22 de febreiro de 2021
Considera que o veredicto é positivo para os intereses municipais, pero asúmeo con cautela posto que “a sentenza aínda non é firme” A alcaldesa sempre avogou por reducir as tarifas do transporte urbano cando se resolvese o veredicto xudicial, de feito durante o pasado ano non se puideron negociar estas baixadas coa Compañía de Tranvías porque existía un proceso que impedía tomar este tipo de decisións
A alcaldesa da Coruña, Inés Rey, asegurou hoxe tras coñecer o veredicto do Xulgado Contencioso Administrativo número 4 da Coruña respecto da baixada de tarifas no trasporte urbano -que ocasionou un recurso contencioso pola Compañía de Tranvías- que "a sentenza é positiva para os intereses municipais, aínda que debemos ser cautos posto que aínda non é firme".
A alcaldesa sempre avogou por reducir as tarifas do transporte urbano cando se resolvese o veredicto xudicial, de feito, durante o pasado ano non se puideron negociar estas baixadas, aínda que se conxelou esta redución, coa Compañía de Tranvías porque existía un proceso que impedía tomar este tipo de decisións. "Sempre defendín estudar as posibles baixadas das tarifas para mellorar o transporte público, iso si, sempre desde o diálogo coa concesionaria, posto que facelo de forma unilateral pode chegar a paralizar novas melloras no servizo e xera incerteza para as arcas municipais", apuntou.
Destaca que desde que chegou ao Goberno sempre avogou por manter un diálogo constante coa empresa adxudicataria do servizo para evitar que este tipo de decisións se xudicialicen e poidan volverse en contra dos intereses municipais, como a recente sentenza do Tribunal de Xustiza da Unión Europea que lle deu a razón á Compañía de Tranvías sobre a data de finalización da concesión que ostenta do transporte público da Coruña. Os tribunais admitiron que remata en 2024 e non en 2016, tal e como defendía o Goberno anterior.
14 resultados
O 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
O 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
O 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
O 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
O 25 de feb de 2024
A alcaldesa, Inés Rey, presidiu a entrega de medallas aos gañadores
O 19 de feb de 2024
A concelleira de Atención Cidadá e Seguridade, Montserrat Paz, recibiu ao vehículo que permite o seu uso asistencial ou medicalizado
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible