12 de xaneiro de 2021
O afundimento da calzada produciuse pola rotura dunha tubaxe e “xa se está actuando sobre esta incidencia para a solucionar canto antes e cos mínimos impedimentos posibles sobre o tráfico”
O Concello detectou unha focha de gran profundidade esta madrugada na avenida do Porto da Coruña producida pola rotura dunha tubaxe na rede de pluviais.
Persoal técnico do Servizo Municipal de Infraestruturas acudiu ao lugar da incidencia para inspeccionar, a través dunha cámara subterránea, a gravidade do estrago. Sinala que "xa se está actuando sobre esta incidencia para a solucionar canto antes e cos mínimos impedimentos posibles sobre o tráfico". Ademais, explica que polo de agora descoñécese o tempo que pode levar esta reparación. Canto ao tráfico, asegura que non se cortará, senón que se reducirán os carrís e só se poderán utilizar os dos extremos, en ambos os sentidos da circulación.
O primeiro paso dos operarios municipais está en detectaren a orixe da filtración para a amañaren e, posteriormente, asfaltaren a calzada: "Levará tempo, sobre todo pola rotura da tubaxe".
Recoméndaselle á veciñanza que, na medida do posible, evite circular por esta vía nas horas punta, aínda que o Servizo de Mobilidade sinalizará debidamente a dita vía, co obxecto de regular o tráfico e de que non se produzan incidencias.
Deportes
11 resultados
O 16 de abr de 2024
As persoas interesadas en apuntarse a esta proba e ao conxunto do circuíto poderán facelo ata o 5 de maio
O 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
O 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
O 25 de feb de 2024
A alcaldesa, Inés Rey, presidiu a entrega de medallas aos gañadores
O 8 de feb de 2024
Jonas Vingegaard, Egan Bernal, Ethan Hayter ou Carlos Rodríguez son algúns dos deportistas de elite presentes nesta competición
O 7 de feb de 2024
O evento, que converterá a cidade no epicentro nacional deste deporte, terá lugar no Coliseum con entrada gratuíta
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible