Concello da Coruña

Concello da Coruña

Cando:

29 de maio de 2020

Jose Manuel Lage: "A política pode e debe ser útil. A reconstrución require que poñamos todo sobre a mesa"

O Concello incentivará o consumo con axudas directas para contribuír á reactivación económica mediante un plan único en España no seu alcance, segundo as persoas representantes da hostalaría

O concelleiro de Economía, Facenda e Réxime Interior e voceiro do Goberno local, José Manuel Lage Tuñas, defendeu esta tarde o paso dado polo concello á hora de aprobar o Plan de Rescate Económico e Social da Coruña (PRESCO). "A política pode e debe ser útil, a reconstrución require que poñamos todo sobre a mesa", dixo Lage Tuñas canto á unanimidade acadada no consistorio para sacar adiante o plan.

A consecucion dese consenso foi aplaudida por Xiana Méndez, secretaria de Estado de Comercio, que participou con Lage Tuñas nun foro radiofónico sobre a reconstrución tras o coronavirus en que tamén participaron José Luis Boado, presidente da FUCC, e Héctor Cañete, presidente dos hostaleiros.

Lage Tuñas, que agradeceu o apoio do resto de grupos da corporación, recordou que o Concello vai máis aló das súas competencias aprobando un plan de 13 millóns de euros con axudas directas para as persoas autónomas e micropemes, que poderán solicitar entre 1.500 e 2.500 euros para o pago de cotas do réxime de autónomos e da seguridade social.

O voceiro do Goberno local recordou que o plan inclúe liñas para o fomento do consumo, con 1,3 millones de euros en bonos para comercio e hostalaría, unha iniciativa en que A Coruña é pioneira, xunto a Bilbao, en España.

"No hai ningún concello en España que aprobara unha batería de medidas como estas, é un plan que superou as miñas expectativas", dixo Héctor Cañete.

"A colaboración público privada é fundamental", apuntou Lage Tuñas sobre a forma de por en marcha un plan de recuperación que busca tamén xerar confianza a través de campañas de promoción da cidade. "Veñen tempos moi duros e ímonos a  volcar", dixo o edil, que transmitiu o agradecemento da alcaldesa, Inés Rey, a todas/os aqueles que facilitaron a unidade na Coruña para loitaren contra as consecuencias da pandemia.

Noticias de A. G. Economía, Facenda e Réxime interior

Economía, Facenda e Réxime interior

Sen resultados.

Busca na nosa hemeroteca de AG...

Datas

Escolla período ou rango de datas:

Dende:

Ata:

Opcións

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión