Concello da Coruña

Concello da Coruña

Cando:

3 de xaneiro de 2020

Máis de 400 nenas e nenos participarán na cabalgata dos Reis Magos, que se inspirará na maxia do Nadal

A alcaldesa, Inés Rey, e a concelleira de Festas, Diana Cabanas, presentaron esta mañá a carreira, que partirá o domingo ás 17.30 horas do Miradoiro dos Castros e rematará sobre as 20.00 horas en María Pita

A alcaldesa, Inés Rey, e a concelleira de Festas, Diana Cabanas, presentaron esta mañá a cabalgata dos Reis Magos, que sairá este domingo do miradoiro dos Castros ás 17.30 horas, percorrerá a avenida de Oza, Ramón y Cajal, avenida do Exército, Linares Rivas, praza de Mina, Cantón pequeno e grande e A Mariña e finalizará sobre as 20.00 horas en María Pita. Nela intervirán máis de 150 artistas de once compañías, dúas delas internacionais, inspiradas/os na maxia do Nadal. Non faltarán acróbatas, zancos ou cabalos de luz con estéticas circenses e moita música para animar o paseo.

Ao rematar, haberá unha chocolatada na praza de María Pita para todos os e as nenas participantes e as súas Maxestades dirixirán unha mensaxe desde a balconada do pazo municipal. A edila explicou que se habilitarán cinco puntos de mobilidade reducida, cinco de atención sanitaria e dous de lactancia que estarán situados no Centro Cívico de San Diego e en María Pita. Serán en total 13 carrozas, sete de patrocinadores e seis municipais; e catro trens, un deles solidario, formado por cativas e cativos da unidade de diabetes do CHUAC e da Rede Municipal de Acollida. Ademais, a frota completarase cun bus da TVG, que retransmitará a carreira, e no que viaxarán personaxes tan coñecidos como Os Bolechas e o Xabarín. Na cabalgata 400 pequenas e pequenos viaxarán ao lado dos Magos de Oriente e, xunto a eles, 35 monitoras/es e 50 persoas auxiliares e mais os axudantes dos patrocinadores. Entre todas e todos repartirán 6 toneladas de caramelos mais os doces que se lancen desde as carrozas das firmas patrocinadoras.

O responsable de Seguridade Cidadá, Carlos García Touriñán, sinalou que no dispositivo especial traballarán 132 persoas entre Policía Local, Bombeiros, Protección Civil e Cruz Vermella. Desde Os Castros á Mariña, haberá cinco puntos con saídas de evacuación na avenida de Oza con rolda de Outeiro, na praza da Palloza, na praza de Ourense, unha cuarta á altura da Subdelegación de Goberno e na praza de María Pita. Aínda que o persoal dividirá o tráfico pola cidade para que non se produzan atascos, García Touriñán aconselloulle á cidadanía que non se desprace en coche e que os pais e nais procuren que as crianzas non se acheguen ás carrozas porque "haberá caramelos para todos". Sobre o circuíto comentou que este ano será totalmente recto e chan e que non se cruzarán os vehículos en ningún tramo, polo que resultará máis seguro que en edicións anteriores.

Noticias de A. G. Relacións institucionais, Turismo e Seguridade Ciudadá

Relacións institucionais, Turismo e Seguridade Ciudadá

1 resultados

Busca na nosa hemeroteca de AG...

Datas

Escolla período ou rango de datas:

Dende:

Ata:

Opcións

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión