23 de marzo de 2020
A concellería reforza con seis profesionais o control nos mercados co fin de protexer as/aos traballadores, praceiras/os e clientela
A Concellería de Mercados reforza o cadro de persoal de conserxería das prazas de abastos con seis profesionais máis que desde hoxe e polo tempo en que se prolongue o estado de alarma prestarán os seus servizos. Deste xeito, refórzase o control nos mercados co fin de protexer ao máximo o persoal municipal, as e os praceiros e vendedoras/es, e a veciñanza e clientela destes lugares dedicados á compra-venda.
Mercados tomou esta decisión para garantir os protocolos que estableceron desde Medio Ambiente e saúde laboral en que se recomenda un maior control dos accesos ás instalacións, a limitación do número de clientas e clientes e a distancia de seguridade entre as e os compradores.
Alcaldía
Sen resultados.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible