A Concellería de Deportes anuncia que hoxe arrinca unha iniciativa para fomentar na veciñanza a práctica do deporte na casa neste período de confinamento.

Os veciños e veciñas poden acceder dese hoxe a un programa de vídeos curtos "En liña" para realizar exercicios e combater o sedentarismo.

Os vídeos están feitos polos monitores/as titulados/as das nosas escolas deportivas municipais, que levan traballando días detrás desta iniciativa. Están realizados nas súas casas coa mellor calidade que ofrecen os dispositivos de cada un, pensando que mesmo ofrecemos un servizo público cos medios propios dos/as monitores/as que tamén están confinados, aínda que sigan un programa definido e coordinado por persoas licenciadas en INEF que ademais se mellora e subtitula nunha edición previa á súa publicación.

A idea é ir colgando distintos vídeos que vaian alimentando unha biblioteca permanente que vaia ampliándose paulatinamente para distintas idades, condicións, etc.

Os vídeos colgaranse no espazo web de Deportes na web municipal e preséntanse como un servizo para favorecer a vida saudable da xente na situación de confinamento do estado de alarma.