Chamamento á colaboración de toda a veciñanza para un uso responsable dos espazos públicos, das terrazas e dos locais de ocio nocturno no noso municipio, así como ao estrito mantemento das distancias de seguridade e demais normas, medidas e obrigas vixentes.

Un comportamento irresponsable sen usar máscara nin gardar a distancia de seguridade, ignorando a normativa en vigor para previr o contaxio da COVID-19 pode traer consecuencias moi prexudiciais como estamos a ver noutros lugares.

Como alcaldesa da Coruña fago un chamamento á responsabilidade de todas e todos, en primeiro lugar ás persoas titulares e traballadoras dos negocios para actuar coas medidas efectivas precisas, pero tamén á súa clientela, que debe respectar permanentemente as normas e obrigas legais encamiñadas a previr a aparición de calquera novo foco de COVID-19. 

Todos os esforzos son poucos para protexer a saúde das nosas veciñas e veciños. Coidándonos nós, coidamos as demais persoas.