Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir

Cando:

6 de abril de 2020

Medio Ambiente doa equipos de protección individual para o persoal do CHUAC

A concellería achegoulles esta mañá 500 pantallas de protección e 300 traxes de protección ás traballadoras e traballadores do complexo hospitalario

A Concellería de Medio Ambiente e Sustentabilidade fixo esta mañá unha doazón de equipos de protección individual para os e as profesionais do CHUAC. Desde o inicio do estado de emerxencia, distintas empresas fixeron chegar á concellería non só o seu desexo de contribuír de modo activo a todo tipo de actuacións que axuden a paliar esta pandemia, senón que tamén entregaron diferente material destinado ao persoal traballador que está en primeira liña da loita contra o COVID19.

Seguindo ese xesto de compromiso e responsabilidade, esta mesma mañá un técnico da Concellería de Medio Ambiente achegouse ao CHUAC para lles entregar 300 traxes de protección de diferentes talles para os usar o persoal sanitario e de 500 pantallas de protección. Deste xeito, a concellería quixo compartir a xenerosidade da que foi obxecto con aqueles profesionais que están en primeira liña da fronte de batalla contra o virus.

Ademais, esta entrega realizouse seguindo o criterio que marcou a nosa alcaldesa, Inés Rey, á hora de colaborar coas organizacións, profesionais, empresas e institucións que máis están achegando en beneficio da seguridade e da saúde de todos os coruñeses e as coruñesas. Ese mesmo criterio foi o que seguiu a concellería ao repartir entre as empresas concesionarias dos servizos esenciais dependentes de Medio Ambiente as máscaras, luvas e pantallas recibidos o venres pasado procedentes directamente de Alcaldía.

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión