Concello da Coruña

Concello da Coruña

Cando:

6 de agosto de 2022

O Concello actúa sobre as zonas verdes da praza do Comercio para mellorar a seguridade viaria e embelecer a contorna

A rebaixa e arranxo da glorieta mellora a visibilidade desde os diferentes puntos de acceso

O Concello da Coruña continúa a intervir nos diferentes barrios da cidade segundo as súas necesidades e as suxestión dos veciños e veciñas. Neste caso, o Goberno municipal de Inés Rey, a través da súa Concellaría de Medio Ambiente, vén de realizar unha actuación integral nas zonas verdes da contorna da praza do Comercio.

A principal intervención neste espazo foi a que se levou a cabo na glorieta na que conflúen varias rúas do barrio da Agra do Orzán, entre elas a da propia praza do Comercio. O obxectivo foi a mellora da visibilidade neste espazo para as persoas que transitan en vehículo por ela. Levouse a cabo unha rebaixa da vexetación do centro da glorieta e a súa exornación. Deste xeito, os vehículos son visibles desde todos os accesos á rotonda.

Por outra banda, restauráronse as zonas verdes das xardineiras da propia rúa da praza do Comercio. Estas acusaban un crecemento sen control de especies arbustivas que non eran axeitadas para a zona. Levouse a cabo un saneamento das xardineiras, eliminando a planta existente, reparando o sistema de rego, botando terra vexetal nova e plantando especies coloridas como o agapanto, a azalea, nandina, escallonia e pittosporum, todas elas contidas nunha sebe perimetral deseñada con buxo, e en cada xardineira un ilex crenata lillipop como elemento vertical.

Na glorieta, por outra banda, optouse por substituír a área de céspede por plantas de tempada e sanear o resto de vexetación e árbores. Esta actuación encádrase dentro do proxecto de recuperación dos espazos verdes tradicionais da nosa cidade levado a cabo polo Goberno de Inés Rey. Neste caso, tívose en conta que se trataba dun espazo urbanístico con escasas zonas verdes.

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión