Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir

Cando:

16 de marzo de 2020

O concello anuncia a gratuidade do aparcadoiro do materno oncolóxico durante o estado de alarma

O anuncio da medida por parte do Goberno local vén acompañado da desactivación das videocámaras que sancionan aos condutores e condutoras por estacionar en dobre fila no termo municipal

O Goberno local anuncia que debido á situación de estado de alarma declarada polo Goberno do Estado indicaráselle á empresa concesionaria do aparcadoiro do materno oncolóxico que habilite o servizo de balde para o persoal sanitario e usuarios do centro. Esta decisión enmárcase nun contexto de medidas que o concello está a tomar para garantir os servizos esenciais e facilitar o traballo dos profesionais do ámbito da saúde.

Por outra banda, o Executivo local tamén comunica que desde hoxe se desactivan as videocámaras que sancionan ás persoas condutoras que estacionen os seus vehículos en dobre fila. Deste xeito, as persoas propietarias de vehículos que teñan unha necesidade de carácter urxente (deixar a unha persoa maior, recoller a unha persoa enferma...) poderán estacionar o seu vehículo en dobre fila durante un período de tempo curto, para realizar esta actividade. Esta medida súmase á xa anunciada da suspensión da zona ORA na cidade.

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión