Ayuntamiento de A Coruña

Ayuntamiento de A Coruña

Cuándo:

2 de enero de 2023

O reloxo, que levaba anos deteriorado, recuperouse peza a peza e xa dá as horas co mesmo mecanismo que tiña a finais do XIX, cando o edificio albergaba a Escola de Belas Artes na que estudaba Pablo Picasso

O Concello da Coruña completa a restauración do reloxo monumental do edificio do IES Eusebio da Guarda

Os traballos forman parte do plan de recuperación do patrimonio posto en marcha polo Goberno de Inés Rey durante o actual mandato

O Concello da Coruña vén de rematar os traballos de restauración do reloxo monumental situado no edificio do IES Eusebio da Guarda.

O reloxo, que data do século XIX, revisouse minuciosamente co obxectivo de recuperalo, de forma integral, tras anos de desgaste. Baseándose no primeiro diagnóstico, coa análise dos mecanismos e a detección das pezas máis deterioradas, levouse a cabo o desmonte completo do reloxo e tamén a limpeza do mesmo, para suprimir a graxa e o ferruxe acumulados polo paso do tempo.

O proceso, que incluíu a realización dun inventario de todos os compoñentes do reloxo, implicou o tratamento das partes recuperables e a fabricación de réplicas no caso dos mecanismos onde os danos acumulados esixían unha substitución. Neste sentido, e como paso previo á montaxe final para a posta en funcionamento do reloxo, desmontáronse as agullas, contrapesándoas correctamente e tratándoas para adaptalas ás condicións climáticas en exteriores; e substituíuse o cristal da esfera por un novo.

A recuperación do reloxo enmárcase dentro dos plans do Goberno de Inés Rey para a recuperación e revitalización do patrimonio histórico local. "Comezamos coa rehabilitación do reloxo de María Pita, que volve ter sonería como fixo sempre, e seguimos co resto de reloxos históricos, desde o Obelisco ata o floral dos xardíns de Méndez Núñez", indicou o concelleiro de Economía, Facenda e Réxime Interior, José Manuel Lage. "A recuperación do reloxo do Eusebio da Guarda ten unha significación especial este ano, porque o 2023 é o ano do 50º aniversario do pasamento de Pablo Picasso, e o reloxo do Eusebio da Guarda era o mesmo que vía o pintor cada día cando se dirixía á Escola de Belas Artes, que entón estaba nese edificio", explica Lage.

Un equipo de restauradores formado por especialistas en reloxaría de antigüidade

A restauración do reloxo monumental do IES Eusebio da Guarda executouna o mesmo equipo de profesionais que rematou intervencións similares nos reloxos do Palacio Municipal de María Pita e o Obelisco.

David Rodríguez foi o responsable do proxecto, acompañado por Jaume e Jan Domènech, e con José Antonio García, presidente da comisión reloxeira do Colexio de Reloxaría e Xoiería de Galicia (COXGA), como colaborador.

A posta en valor dos reloxos históricos da cidade

Entre os anos 2021 e 2022, o Goberno municipal acometeu diversas intervencións para a renovación e posta ao día dos grandes monumentos e símbolos da Coruña.

En primeira instancia, en marzo de 2021, o Concello rematou os traballos de mellora para a recuperación do reloxo da torre central do Palacio Municipal de María Pita (1911), seguidos pola intervención executada para restaurar o reloxo do Obelisco (1895), xa en febreiro de 2022.

Posteriormente, no mes de maio, o Concello acometeu a restauración do reloxo floral dos xardíns de Méndez Núñez, traballos levados a cabo co obxectivo de poñer en valor un símbolo emblemático da cidade, coa posta en marcha dun sistema de funcionamento dotado dun mecanismo mellorado, máis fiable e duradeiro, e que conta actualmente cunha conexión GPS vía satélite.

Ademais, e xa a a finais de novembro de 2022, o Concello comezou os traballos de restauración no reloxo urbano das Lagoas, na contorna do Paseo Marítimo. Tras esta nova intervención no reloxo monumental do edificio do IES Eusebio da Guarda, a previsión do Goberno de Inés Rey é dar comezo á recuperación do reloxo da torre do Edificio do Consulado (1844), situado na rúa Panadeiras.

¿Qué te parece esta sección?

-101-101-101

¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible

Iniciar sesión