Xa está dispoñible, na web municipal, a listaxe coa proposta de resolución definitiva das subvencións destinadas a entidades de iniciativa social sen ánimo de lucro que concede o Concello da Coruña a través da concellería de Benestar Social. O importe total das axudas suma 100.000 euros, que 44 asociacións da cidade poderán utilizar para llevar a cabo as súas actividades ou proxectos de interese social no ano 2022. 

A finalidade das subvencións é a cooperación en actividades ou proxectos de promoción e reinserción social, a prestación de servizos sociais e, en xeral, as que persigan un interese social no ámbito dos servizos sociais, no termo municipal da Coruña, a realizar durante o ano 2022, por entidades de iniciativa social ou agrupacións de persoas, nas condicións que se establecen na Ordenanza Xeral de Subvencións da área de Benestar do Concello da Coruña. 

O importe global das subvencións obxecto desta convocatoria específica é 100.000 euros e o importe máximo concedido para cada proxecto é de 8.000 euros. Cada entidade solicitou un proxecto como máximo.