Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir

Cando:

30 de setembro de 2020

O Concello e Correos asinan un convenio que lle permitirá á veciñanza pagar tributos en calquera oficina de España

Os tributos municipais poderanse pagar, a través de xiro postal, en calquera das 2.393 oficinas de Correos.

A alcaldesa, Inés Rey, asinou esta tarde un  convenio de colaboración con Correos polo cal se lle facilitará á cidadanía o pagamento, mediante un xiro postal, de débedas tributarias e outras de dereito público xestionadas polo consistorio coruñés. Este novo servizo ás persoas contribuíntes, tras unha breve fase de implantación, entrará en funcionamento a partir da data da sinatura e estará en vigor durante os próximos catro anos. No acto tamén estivo o concelleiro de Economía e Facenda, José Manuel lage.

Con este convenio, Correos porá ao dispor do Concello da Coruña a súa rede de 2.393 oficinas distribuídas por toda España, en que lle ofrece á cidadanía, entre outros, os servizos de xiro postal, o que lles facilitará o cumprimento das obrigas tributarias que teñan co Concello da Coruña.

Inés Rey explicou que coa sinatura deste convenio o Goberno local dá un paso máis na súa intención de facilitar e axilizar a relación entre a Administración e a veciñanza. O convenio permitiralles ás coruñesas e aos coruñeses pagaren os seus tributos desde calquera punto de España. "O noso obxectivo é lograrmos unha administración máis áxil, fácil e sinxela; máis accesible e próxima á cidadanía", dixo.

Pola súa banda, o presidente de Correos, Juan Manuel Serrano, sinalou que "Correos continúa ofrecéndolles os seus servizos a institucións, administracións e empresas co fin de facilitar a vida das e dos cidadáns e impulsar e desenvolver a actividade da súa rede de oficinas, un activo que lles garante o acceso ao servizo público a todas e a todos e que contribúe á cohesión territorial e ao desenvolvemento económico de persoas e empresas, tanto en ámbitos urbanos como nas zonas rurais de España".

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión