O Concello instala unha parada de taxis provisional no acceso principal a Expocoruña para facilitar o acceso da poboación ao centro de vacinación.

Por outra banda, membros de Protección Civil tamén colaboran desde o pasado mércores e até o domingo co Sergas para evitaren que se produzan concentracións de persoas nas colas como resultado da vacinación que se está realizando no recinto ferial. Así, a Policía Local ten activado un dispositivo especial na zona para dar apoio no control do tráfico e garantir a seguridade cidadá nos accesos a Expocoruña.

A alcaldesa, Inés Rey, lembrou que o Concello da Coruña pon á disposición do Sergas a súa "máxima colaboración en todo o que precisen canto a loxística, operatividade ou en materia de seguridade".