Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir

Cando:

26 de outubro de 2020

O Monumento aos Liberais regresa á praza das Conchiñas despois de sete anos almacenado

Os edís Juan Díaz Villoslada e Jesús Celemín falaron durante a recolocación das figuras de bronce da importancia de conmemorar os momentos históricos máis importantes e o espírito democrático da cidade

Os concelleiros de Infraestruturas e o de Memoria Histórica, Juan Díaz Villoslada e Jesús Celemín, asistiron esta mañá á recolocación do Monumento aos Liberais, na praza das Conchiñas, que se retirou hai sete anos co fin de reformar o seu enclave. O edil de Urbanismo sinalou que, logo da remodelación definitiva da praza que completaron hai uns meses, "a asociación de veciños pediunos que recuperásemos a escultura ao exemplificar o sentir e a forma de ser da cidade". Para Villoslada, cómpre recordar os momentos importantes da historia coruñesa e, por iso, en colaboración coa Concellería de Cultura, Infraestruturas situou hoxe as figuras de bronce enriba da base: "Non está toda a armazón orixinal, eliminouse algún elemento para que quedase en harmonía coa praza". Na actuación, valorada en 25.359,83 euros, despexouse tamén o espazo para que non entorpeza a mobilidade das e dos peóns.

O concelleiro recordou que no proceso de recolocación se estudou o lugar definitivo co fin de que a creación tivese presenza e o chan de lousa aguantase o seu peso: "Era algo importante para As Conchiñas e para o espírito democrático da Coruña". Pola súa parte, Celemín lembrou que a cidade foi o segundo bastión que se revelou contra o absolutismo en 1820 para se estender máis tarde por todo o Estado e por Europa. O concelleiro apuntou que a alcaldesa, Inés Rey, se comprometeu este ano a devolverlle á Agra do Orzán o monumento de José Castiñeiras.

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión