18 de xuño de 2020
En innumerables ocasións, Benestar Social acudiu ao lugar co persoal técnico municipal para identificar o estado das persoas que viven alí en situación de vulnerabilidade e xestionar as axudas que precisaren, pero estas foron rexeitadas na maioría dos casos
O Concello da Coruña coordina coa Delegación do Goberno as actuacións ante o problema de seguridade cidadá identificado nun edificio de Palavea, aínda non rematado, que xa se detectou durante o pasado mandato e que ata o momento non se lle deu solución.
O Goberno municipal entende que existe un problema grave de convivencia neste barrio, polo que o pasado martes a Xunta local de Seguridade abordou xunto coa Subdelegación do Goberno esta problemática en específico.
En innumerables ocasións, Benestar Social acudiu co persoal técnico municipal para identificar o estado das persoas que viven alí en situación de vulnerabilidade e xestionar as axudas que precisaren, pero estas foron rexeitadas na maioría dos casos.
O Concello enviou un escrito ao Xulgado de Primeira Instancia que tramita as execucións hipotecarias e ao Xulgado de Instrución encargado das dilixencias en relación con comisión de feitos delitivos, co obxectivo de que a administración xudicial axilice a execución hipotecaria deste inmoble por parte da Sareb (Sociedad de Gestión de Activos Procedentes de la Reestructuración Bancaria).
Alcaldía
Sen resultados.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible