Concello da Coruña

Concello da Coruña

Cando:

27 de febreiro de 2021

O Concello agradécelle á cidade que mantivera viva a tradición do Entroido pese a pandemia

“A veciñanza demostrou que o sentimento do Entroido, unha das festas máis emblemáticas da cidade, é un sentimento arraigado, e a creatividade e as tradicións tamén se poden desfrutar desde a casa e cumprindo coas medidas”, asegurou a alcaldesa, Inés Rey

O Concello agradécelle á cidade que mantivera viva a tradición do Entroido pese a pandemia. Representantes das agrupacións de comparsas do Entroido coruñés elixiron hoxe as persoas gañadoras do concurso de disfraces en liña do Concello da Coruña, In-troido, que contou coa participación de máis de 200 persoas a través das canles sociais do ente municipal nas catro categorías existentes: crianzas de até 6 anos, de 7 a 12 anos, de 13 anos en adiante e grupal / familiar.

O Concello da Coruña puxo en marcha un concurso exclusivamente dixital para que, neste entroido tan "atípico" por mor das restricións da pandemia do coronavirus, as e os cidadáns puideran participar desde os seus fogares compartindo instantáneas dos seus disfraces a través das redes sociais, co fin de manter viva a tradición desta festividade.

A alcaldesa, Inés Rey, agradeceu a boa resposta da veciñanza, "que mantivo vivo o espírito do Entroido". Rey asegurou que "as últimas semanas foron moi duras con respecto á situación da pandemia, pero a veciñanza demostrou que o sentimento do Entroido, unha das festas máis emblemáticas da cidade, é un sentimento arraigado, e a creatividade e as tradicións tamén se poden desfrutar desde casa e cumprindo coas medidas".

Representantes das agrupacións de comparsas do Entroido coruñés formaron o xurado deste concurso: Laura Vázquez Loureiro, de Monte Alto a 100; Marcos Fernández Eimil, de Amigos da Xoldra; Haydee Estevez Barcala, dos Maracos; Paula Monteagudo Infante, de Malandros; Consuelo Roque López, de Pantaleón; e Pily Ferreiro Fernández, dos Kilomberos de Monte Alto.

As persoas gañadoras deberán poñerse en contacto co Concello da coruña a través dunha mensaxe privada na rede social coa que participaron (Twitter, Facebook ou Instagram) ou na dirección de correo electrónico IMCE@coruna.es para poder tomar nota dos seus datos e artellar a entrega do premio. O prazo para contactar será de 15 días desde a publicación das persoas gañadoras nas diferentes canles sociais.

Premios Categoría "Até 6 anos":

1.º premio: bono de 150 euros para consumir no comercio local da cidade

Barbie Peina y Maquilla Edición Limitada.

2.º premio: bono de 100 euros para consumir no comercio local da cidade

Charles e a Queen.

3.º premio: bono de 50 euros para consumir no comercio local da cidade

Tintín y Milú.

4.º premio: lote de produtos de Entroido de Supermercados Gadis

O tren que me leva.

Premios Categoría "De 7 a 12 anos":

1.º premio: bono de 150 euros para consumir no comercio local da cidade

Mellor con máscara... por favor.

2.º premio: bono de 100 euros para consumir no comercio local da cidade

Merienda con la Reina de Corazones.

3.º premio: bono de 50 euros para consumir no comercio local da cidade

Adam y Lucas Huntingford.

4.º premio: lote de produtos de Entroido de Supermercados Gadis

La Nerds

Premios Categoría "De 13 anos en adiante":

1.º premio: bono de 150 euros para consumir no comercio local da cidade

Xenio desconfinado.

2.º premio: bono de 100 euros para consumir no comercio local da cidade

Emilia Pardo Bazán.

3.º premio: bono de 50 euros para consumir no comercio local da cidade

Asalto ó Capitolio na miña casa!

4.º premio: lote de produtos de Entroido de Supermercados Gadis

Viaxando coa mente e a unha orella hincándolle o dente.

Premios Categoría "grupal / familiar":

1.º premio: bono de 150 euros para consumir no comercio local da cidade

Bonequiños confinados.

2.º premio: bono de 100 euros para consumir no comercio local da cidade

El DOGa trae nuevas noticias... resumiendo #QuedateEnCasa.

3.º premio: bono de 50 euros para consumir no comercio local da cidade

Pop Art Style

4.º premio: lote de produtos de Entroido de Supermercados Gadis

¡Qué nervios, se me ha caído un diente!

Noticias de A. G. Igualdade, Benestar social e Participación

Igualdade, Benestar social e Participación

1 resultados

Busca na nosa hemeroteca de AG...

Datas

Escolla período ou rango de datas:

Dende:

Ata:

Opcións

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión