5 de febreiro de 2020
A edila Yoya Neira presentou en María Pita este encontro de escritoras que usan a lingua galega como ferramenta de expresión para poñer o foco na igualdade e na loita polo activismo e a visibilidade do colectivo de lesbianas, bisexuais e transexuais
A concelleira de Benestar Social e Igualdade, Yoya Neira, presentou esta mañá no Pazo Municipal xunto ás representantes da Asociación de mulleres pola igualdade e visibilidade lésbica da Coruña, Les Coruña, o I Congreso sobre a Diversidade Afectivo-Sexual na Literatura da cidade que terá lugar o 28 de marzo no Centro Cívico da Cidade Vella.
Les Coruña, como organización activa socialmente e preocupada polos valores sociais que transforman a convivencia, impulsa e coorganiza co Concello da Coruña este encontro de escritoras que usan a lingua galega como ferramenta de expresión poñendo o foco na identidade, nos referentes de proximidade e na diversidade afectiva-sexual desde a mirada ampla e complexa da nosa contorna como punto de partida para unha análise global sobre as cuestións de xénero, equidade, capacidades diversas, ecofeminismos e un abano amplo de reflexións transversais.
No acto de presentación aos medios de comunicación, Yoya Neira explicou que o obxectivo do encontro é "falar do poder da lingua, neste caso do galego, como ferramenta de expresión para poñer o foco na igualdade e na loita polo activismo e pola visibilidade das persoas que pertencen ao colectivo de lesbianas, bisexuais e transexuais". A edila convidou a toda a veciñanza "a participar e a que se acheguen tanto ao congreso como á entidade para coñecer o traballo que se realiza día a día" xa que este congreso "non deixa de ser a guinda do pastel de moito traballo de campo e ao pé da rúa para visibilizar e normalizar este colectivo".
A voceira de Les Coruña, Noemí Díaz, explicou que esta xornada "conta coa participación de dez persoas do ámbito literario, da tradición oral de da música" e, asegurou, "a súa escolla non foi doada xa que buscabamos dúas características simultáneas: a súa implicación co uso da lingua galega ou reivindicación das linguas minorizadas e o seu apoio á diversidade afectivo-sexual". Díaz tamén matizou que esta primeira edición "é unha porta que se abre para que nas seguintes edicións toda a sociedade estea implicada e poida achegarnos as súas propostas".
O congreso terá unha festa posxornada ás dez da noite na sala de concertos Mardigrass, que soará ao ritmo de Rodrigo Cuevas. As entradas saen mañá á venda a partir das dez da mañá na plataforma Eventbrite.
Deportes
11 resultados
O 16 de abr de 2024
As persoas interesadas en apuntarse a esta proba e ao conxunto do circuíto poderán facelo ata o 5 de maio
O 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
O 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
O 25 de feb de 2024
A alcaldesa, Inés Rey, presidiu a entrega de medallas aos gañadores
O 8 de feb de 2024
Jonas Vingegaard, Egan Bernal, Ethan Hayter ou Carlos Rodríguez son algúns dos deportistas de elite presentes nesta competición
O 7 de feb de 2024
O evento, que converterá a cidade no epicentro nacional deste deporte, terá lugar no Coliseum con entrada gratuíta
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible