8 de xaneiro de 2021
A alcaldesa confirmou que o Goberno local prolongará as medidas adoptadas para favorecer a hostalaría que poderá seguir ocupando as prazas de estacionamento situadas en fronte dos seus locais
.- A alcaldesa, Inés Rey, anunciou esta mañá que o Concello manterá durante o estado de alarma todas as zonas peonís e carrís gañados ao tráfico, e que prolongará as medidas adoptadas para favorecer a hostalaría. Deste xeito, os establecementos conservarán as capacidades das súas terrazas, e poderán seguir ocupando as prazas de estacionamento situadas en fronte dos seus locais garantindo así as distancias de seguridade, segundo recolle a ordenanza municipal que se prorrogará durante estes meses.
Isto significa, explicou a rexedora, que estas medidas se manterán polo menos até o mes de maio, aínda que "nestes momentos estamos a estudar que se poidan prolongar ata decembro e así aproveitar os meses de verán, tendo en conta as dificultades polas que pasa a hostalería". Trátase, insistiu, de aliviar as cargas económicas da hostalería, que se viu obrigada a pechar os seus negocios polas restricións derivadas da COVID, e favorecer a súa actividade, porque "é verdade que cada vez que se tomaron medidas restritivas, a hostalaría foi o sector máis castigado, a pesar de que sempre actuou con gran responsabilidade, tanto durante a desescalada como no estado de alarma, adoptando todas as medidas de seguridade e sanitarias impostas desde o Goberno e a Xunta".
A alcaldesa lamentou que debido á pandemia os locais de hostalaría se visen abocados a sucesivos peches o que "xerou incerteza, inseguridade e unha importante crise económica", pero insistiu en que o Goberno local non pode contradicir as medidas dos comités clínicos sobre os peches, pero si establecer, na medida das súas posibilidades, actuacións para paliar as súas perdas económicas.
Estas axudas súmanse, dixo Rey, a outras postas en marca polo Concello a través do Plan de reactivación económica e social da Coruña, PRESCO, e a supresión da taxa do lixo para os establecementos de hostalaría.
Canto ás zonas peonís, a alcaldesa recordou que algunhas zonas como a rúa Compostela, Os Cantóns e Alcalde Marchesi forman parte dun plan de humanización da cidade e súa peonalización tivo que adiantarse debido á pandemia, mentres que o resto son de carácter provisional.
Urbanismo, Vivenda, Infraestruturas e Mobilidade
58 resultados
O 19 de abr de 2021
A alcaldesa e a conselleira de Medio Ambiente, Territorio e Vivenda reuníronse coa veciñanza da Cidade Vella e Pescaría para explicarlles as liñas do Plan Rexurbe. Neste momento, o Concello conta cun inventario de 37 inmobles candidatos a optaren a este plan autonómico. .
O 18 de abr de 2021
Os traballos están incluídos dentro do Plan de Obras e Servizos (POS) da Deputación da Coruña
O 17 de abr de 2021
O obxectivo desta actuación, cun orzamento de 529.000 euros, é modernizar o barrio e mellorar a accesibilidade peonil
O 16 de abr de 2021
A alcaldesa anunciou a instalación dun parque saudable na praza Casares Quiroga durante a súa visita ás prazas recentemente reformadas Pintor Manuel Colmeiro e Isaac Díaz Pardo
O 16 de abr de 2021
Os traballos, que contan cun orzamento de 266.524 euros, servirán para incrementar a superficie e garantirlle a accesibilidade a toda a veciñanza
O 15 de abr de 2021
A intención do Goberno local é que todas as vías do centro urbano teñan polo menos un carril con velocidade reducida para que se poida circular en bicicleta e patinete con total seguridade.
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible