Concello da Coruña

Concello da Coruña

Cando:

31 de xullo de 2020

O Concello recoñece o esforzo e traballo das rapazas e rapaces coruñeses coas mellores notas nas probas ABAU

Inés Rey animou ao alumnado a gozar da súa etapa universitaria

.-  A alcaldesa, Inés Rey, recibiu hoxe no salón de Plenos de María Pita as nove alumnas e alumnos coruñeses co mellor expediente nas probas ABAU co fin de recoñecer o seu esforzo e o seu traballo durante este curso marcado pola pandemia COVID-19. O alumnado, acompañado no acto por familiares e profesorado, recibiu un obsequio que lle foi entregado pola rexedora.

Inés Rey lembroulles que serán a xeración que realizou a  ABAU post pandemia, a que non puido finalizar os seus estudos de segundo de Bacharelato nunha situación normal, pero tamén "a xeración que saberá o que é pasar momentos difíciles e o necesario que é esforzarse, non só de maneira individual, senón tamén en grupo para asumir os retos que temos por diante", dixo.

"Seredes a xeración que poderedes contar que, a pesar da pandemia, do confinamento e dos falecidos, fomos capaces de saír xuntos,  e seremos capaces de seguir traballando para saír desta crise que estamos a vivir". Animoulles a seguir esforzándose e formarse e, como non, a gozar da súa etapa universitaria. E, por último,  pediulles que, unha vez que finalicen os seus estudos, regresen á A Coruña, e  traballen con todo o seu talento para a cidade.

Así, a alcaldesa sinalou a obrigación das administracións de fomentar e favorecer o talento para que despois redunde no beneficio da cidade e confía en que "o voso futuro estea na cidade".

Tamén lles agradeceu ás nais e aos pais e ao profesorado o seu labor no éxito acadado polo alumnado, e quixo destacar de maneira especial o papel das mestras e dos mestres "aos que non hai que que esquecer", finalizou.

Noticias de A. G. Relacións institucionais, Turismo e Seguridade Ciudadá

Relacións institucionais, Turismo e Seguridade Ciudadá

1 resultados

Busca na nosa hemeroteca de AG...

Datas

Escolla período ou rango de datas:

Dende:

Ata:

Opcións

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión