20 de maio de 2020
As novas limitacións entrarán en vigor en cada unha das vías no momento en que se coloquen os sinais.
A Xunta de Goberno local aprobou hoxe a declaración da Coruña como "Cidade 30". Isto significa que a limitación xeral de velocidade na cidade será de 30 km/h en todas as vías urbanas, salvo algunhas excepcións. A alcaldesa, Inés Rey, puxo en valor esta medida ao sinalar que, "trátase dunha actuación importante dentro da aposta do Goberno local por unha mobilidade sostible; o noso plan de mobilidade inclúe outras medidas como a regulación dos vehículos de mobilidade persoal (VMP), a mellora do transporte público, o uso da bicicleta, e a ampliación das zonas peonís".
Deste xeito, engadiu a rexedora, "o concello dalle o protagonismo as peoas e os peóns, reduce a siniestralidade, coida o medio ambiente e gaña máis espazos públicos".
Esta limitación entrará en vigor en todas as vías da cidade, coa excepción do eixe das rúas Sánchez Bregua-Juana de Vega-Rexedor Somoza- túnel da praza de Pontevedra, que manteñen a velocidade máxima en 50 km/h. As rúas Ramón y Cajal, Fernández Latorre e a avenida de Pérez Ardá até a rolda de Outeiro tamén seguirán coa mesma limitación. A rúa Juan Flórez conserva a velocidade máxima de 50km/h, agás o carril dereito, cuxa velocidade máxima permitida será de 30 km/h.
A nova normativa recolle que nas rúas con plataforma única en calzada e beirarrúa, a velocidade será de 10 km/h, salvo o transporte público, que poderá circular a 20 km/h. As novas limitacións de velocidade entrarán en vigor en cada unha das vías no momento en que se coloquen os sinais.
As vías urbanas de dous ou máis carrís por sentido de circulación poderán ter unha limitación de 50 km/h, e naquelas cuxa configuración o permita, poderanse implantar carrís con limitación de velocidade a 30 km/h.
Deportes
11 resultados
O 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
O 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
O 25 de feb de 2024
A alcaldesa, Inés Rey, presidiu a entrega de medallas aos gañadores
O 8 de feb de 2024
Jonas Vingegaard, Egan Bernal, Ethan Hayter ou Carlos Rodríguez son algúns dos deportistas de elite presentes nesta competición
O 7 de feb de 2024
O evento, que converterá a cidade no epicentro nacional deste deporte, terá lugar no Coliseum con entrada gratuíta
O 7 de feb de 2024
Terá lugar na piscina municipal de Riazor a partir das 10.00 horas
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible