8 de outubro de 2020
A concelleira de Benestar Social, Igualdade e Participación, Yoya Neira, sinala que para redactar este novo contrato “realizouse unha reconsideración integral dos servizos municipais de información xuvenil actuais, co fin de os descentralizar e de os axeitar á realidade das mozas e dos mozos e ás novas TIC”
A Xunta de Goberno Local que tivo lugar esta mañá no pazo municipal engadiu á orde do día a adxudicación do contrato de xestión da Rede Municipal de Información, Orientación, Dinamización e Asesoramento á Xuventude (RMIX), do Servizo de Participación Cidadá e Innovación.
A concelleira de Benestar Social, Igualdade e Participación, Yoya Neira, sinala que para elaborar este novo contrato "realizouse unha reconsideración integral dos servizos municipais de información xuvenil actuais, co fin de os descentralizar e de os axeitar á realidade das mozas e dos mozos e ás novas TIC". Ademais, explicou, "ampliarase o equipo de traballo con dúas persoas máis".
Os factores clave desta reformulación do servizo son, en primeiro lugar, o gran salto cualitativo nos métodos de difusión da información, xa que se abandonan mecanismos antigos e adáptanse ás novas tecnoloxías da información e da comunicación. En segundo lugar, amplíase o alcance da atención prestada, desde o concepto tradicional de busca e posta a disposición da información de forma reactiva, xa que era a moza ou o mozo quen presentaba a solicitude, até o novo concepto de dinamización da información de forma participada, co que se lle achegará a información á xuventude aos seus lugares de referencia. Por último, nesta reformulación do servizo descentralizáronse puntos de atención, ao pasar dun único punto centralizado a un sistema en rede, que inicialmente estará integrado por tres puntos de atención localizados en tres puntos da cidade.
A adxudicataria deste contrato, por valor de 329.725 euros e unha duración inicial de 24 meses, é a empresa Atlantic Ponte SLU, que deberá comezar a prestar servizo o 1 de novembro de 2020.
14 resultados
O 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
O 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
O 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
O 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
O 25 de feb de 2024
A alcaldesa, Inés Rey, presidiu a entrega de medallas aos gañadores
O 19 de feb de 2024
A concelleira de Atención Cidadá e Seguridade, Montserrat Paz, recibiu ao vehículo que permite o seu uso asistencial ou medicalizado
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible