Concello da Coruña

Concello da Coruña

Cando:

15 de outubro de 2020

O concello responde á demanda veciñal de Monte Alto e aumenta a seguridade e accesibilidade peonil no barrio

A alcaldesa e o concelleiro de Urbanismo, Juan Díaz Villoslada, visitaron esta tarde as obras de ampliación de beirarrúas e mellora da mobilidade na contorna do CEIP Víctor López Seaone

A alcaldesa, Inés Rey; o concelleiro de Urbanismo, Juan Díaz Villoslada; e a concelleira de Medio Ambiente, Esther Fontán, visitaron esta tarde Monte Alto, logo de que o concello rematase as obras na rúa Vía Ártabra, en que se ampliaron e pavimentaron de formigón as beirarrúas e se construíu unha plataforma única. Deste xeito, o Goberno local responde a unha demanda do barrio e, máis en concreto, da nena Natalia Rouco, que lle escribiu en febreiro unha carta á rexedora pédindolle que o Goberno local tomase medidas para aumentar a seguridade das persoas viandantes na zona. Deste xeito, tiveron en conta as súas achegas e melloraron os pasos peonís na rolda de Monte Alto e os accesos ao CEIP Víctor López Seoane.

A pequena, que representou ao seu colexio para lles trasladar os problemas de mobilidade, fixo de guía no pasado inverno polas vías máis conflitivas e volveu hoxe a pasear para lles agradecer as melloras á alcaldesa e mais aos edís. Naquela visita, Rouco queixouse á corporación municipal do perigo que supoñía que os vehículos circulasen tan rápido na zona e reclamoulle unha solución para as escaleiras que conectan a Rolda de Monte Alto con Vía Ártabra. Neste punto, Mobilidade está estudando un proxecto que xa estaba redactado para instalar un elevador.

O goberno de Inés Rey cumpriu así o seu compromiso coas veciñas e veciños que, como Natalia, transitan a diario por vías como a Rolda de Monte Alto, en que se reduciu a velocidade dos vehículos cunha banda rugosa. Ademais, barallan a opción de habilitar un semáforo con pulsador no cruzamento onde está localizada a escola infantil.

Noticias de A. G. Urbanismo, Vivenda, Infraestruturas e Mobilidade

Urbanismo, Vivenda, Infraestruturas e Mobilidade

Sen resultados.

Busca na nosa hemeroteca de AG...

Datas

Escolla período ou rango de datas:

Dende:

Ata:

Opcións

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión