20 de outubro de 2020
O concello pretende incrementar o número de voos de xeito que profesionais e particulares poidan ir e volver á capital no mesmo día e varias veces por semana
O Consorcio de Turismo porá en marcha xunto coa Cámara de Comercio unha experiencia piloto que implicará o incremento da conectividade aérea desta cidade con Madrid co fin de que as e os coruñeses poidan ir e volver á capital do estado no mesmo día e varias veces por semana. O dito ensaio está asociado á situación actual da pandemia provocada pola Covid-19 e á caída das liñas aéreas e ten como obxectivo acordar con Iberia o aumento da oferta de voos da Coruña con Barajas ata un 50% para favorecer o crecemento de empresas e negocios que precisan reunírense en Madrid e formaren equipos de traballo. Do mesmo xeito, o concelleiro de Turismo, Juan Ignacio Borrego, destacou que con esta novidade o goberno de Inés Rey pretende impulsar A Coruña como destino turístico nun momento en que se necesita reactivar o sector servizos e a economía local, así como facilitarlles a mobilidade ás e aos pasaxeiros, que terán máis opcións de enlaces cos demais aeroportos nacionais e internacionais.
O Consorcio de Turismo e a Cámara de Comercio levan traballando durante meses sobre este convenio de colaboración, que se someterá á Xunta de Goberno local do Consorcio de Turismo co fin de aprobalo e poñelo en marcha canto antes. Ambos os organismos conveniarán este aumento da conectividade da Coruña con Madrid grazas á aposta de Iberia, que realizará un investimento significativo para que esta experiencia piloto permítalles regresar na mesma xornada ás persoas profesionais, sen teren que facer noite, o que lles suporá un aforro de custos ás empresas e negocios con sede na Coruña. O concello quere reforzar esta comunicación dado que o avión supón a forma de se trasladar máis rápida desde esta punta do mapa ao centro do estado.
Por outra parte, isto implicará que a tripulación e mais as aeronaves pernocten na Coruña varios días á semana para saíren a primeira hora da mañá cara Madrid.
Deportes
11 resultados
O 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
O 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
O 25 de feb de 2024
A alcaldesa, Inés Rey, presidiu a entrega de medallas aos gañadores
O 8 de feb de 2024
Jonas Vingegaard, Egan Bernal, Ethan Hayter ou Carlos Rodríguez son algúns dos deportistas de elite presentes nesta competición
O 7 de feb de 2024
O evento, que converterá a cidade no epicentro nacional deste deporte, terá lugar no Coliseum con entrada gratuíta
O 7 de feb de 2024
Terá lugar na piscina municipal de Riazor a partir das 10.00 horas
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible