28 de maio de 2020
O voceiro do executivo participou nun debate organizado pola asociación empresarial
O voceiro do Goberno local e concelleiro de Economía, Facenda e Réxime Interior, José Manuel Lage Tuñas, participou esta mañá nun debate organizado pola asociación ASCEGA, ao que asistiron tamén representantes dos grupos municipais do PP, BNG e Ciudadanos.
A entidade expuxo a gran preocupación coa que o sector, especialmente o comercio e a hostalaría, afronta as consecuencias da crise da COVID-19. Desde a asociación advertiron dos problemas a medio e longo prazo que se presentan para a actividade económica na Coruña e, co fin de os atallaren, solicitaron un plan de actuación das administracións que permita inxectarlles liquidez ás empresas con axudas directas para dinamizar o mercado. Con ese obxectivo solicitaron do concello investimentos por 5 millóns de euros para o tecido empresarial e unha resposta inmediata e unánime para afrontar as consecuencias da crise.
José Manuel Lage Tuñas agradeceu a posibilidade de participar no debate e de escoitar de primeira man as peticións e suxestións das persoas empresarias. O voceiro do Goberno local apuntou que a intención do executivo e do resto das formacións é aprobar en Pleno a vindeira semana un modificativo de crédito por valor de 13 millóns de euros, cantidade da que unha boa parte se destinará precisamente a axudas directas e indirectas ás e aos pequenos empresarios e persoas autónomas para salvagardar o emprego e impulsar a economía local. "Temos que amosar o noso agradecemento a todas as entidades da cidade polas súas propostas", dixo Lage Tuñas, que tamén quixo recoñecer o traballo conxunto dos grupos políticos: "Sería imposible sen a súa colaboración", dixo. "Estamos a cumprir o encargo da alcaldesa, Inés Rey, de buscar un acordo para poder aprobarmos este plan o antes posible", asegurou Lage Tuñas.
12 resultados
O 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
O 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
O 25 de feb de 2024
A alcaldesa, Inés Rey, presidiu a entrega de medallas aos gañadores
O 19 de feb de 2024
A concelleira de Atención Cidadá e Seguridade, Montserrat Paz, recibiu ao vehículo que permite o seu uso asistencial ou medicalizado
O 8 de feb de 2024
Jonas Vingegaard, Egan Bernal, Ethan Hayter ou Carlos Rodríguez son algúns dos deportistas de elite presentes nesta competición
O 7 de feb de 2024
O evento, que converterá a cidade no epicentro nacional deste deporte, terá lugar no Coliseum con entrada gratuíta
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible