1 de marzo de 2021
Para axustar os volumes ao planeamento actual, o Concello tivo que executar este documento que non contemplou a executiva anterior e que foi o causante do atraso nos prazos
O Goberno local levará ao próximo pleno a aprobación do estudo de detalle dos soares e inmoble sitos no cruzamento da rúa Marqués de Pontejos 15 coa rúa San Nicolás 26, e que darán cabida a cinco vivendas sociais en réxime de alugueiro. A executiva anterior, que encargou o proxecto, non incluiu esta documentación imprescindible para obter a licenza de obra ao non se axustaren os volumes ao PEPRI (Plan especial de protección e Reforma Interior da Cidade Vella e Peixería). Deste modo, Urbanismo modificou a aliñación existente mediante este estudo de detalle para axeitala ao proxecto presentado e isto demorou os prazos para unha reforma, que confirma o compromiso do Goberno de Inés Rey por facilitar o acceso á vivenda. En concreto, o plan contempla un edificio de baixo e catro plantas cara á rúa Marqués de Pontejos e un segundo de baixo, tres plantas e mais un ático no fronte á rúa San Nicolás.
Ademais, a rehabilitación suporá a mellora substancial dunha zona ao harmonizar o trazado medieval do barrio de Pescaría, ao que pertence o edificio de San Nicolás, e abrir Marqués de Pontejos, de principios do século XX, de vocación racionalista, e que serviu para comunicar o mercado de Santo Agostiño coa Estreita de San Andrés.
A proposta centrará todo o seu interese en atopar o concerto arquitectónico, entre a preexistencia que conforman os históricos muros de carga do inmoble de San Nicolás, e a aparición dun novo volume en Pontejos, que dialogará coas edificacións lindeiras da propia rúa.
14 resultados
O 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
O 16 de abr de 2024
As persoas interesadas en apuntarse a esta proba e ao conxunto do circuíto poderán facelo ata o 5 de maio
O 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
O 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
O 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
O 25 de feb de 2024
A alcaldesa, Inés Rey, presidiu a entrega de medallas aos gañadores
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible