3 de septiembre de 2020
A concelleira de Medio Ambiente, Esther Fontán, asinou coa UTE A Coruña Limpeza a acta de inicio do novo contrato
Inés Rey confirmou hoxe que o vindeiro 1 de outubro comezará o novo servizo de limpeza viaria despois da sinatura da acta de inicio do contrato que tivo lugar onte en María Pita. O novo servizo, apuntou a alcaldesa, permitirá empregar máis de 5 millóns de euros para adquirir a nova maquinaria que, ademais de servir para incrementar o grao de limpeza da cidade, cumprirá criterios de sustentabilidade enerxética xa que será na súa maioría propulsada por motores de gas e eléctricos e minimizará os problemas actuais de ruídos.
A concelleira de Medio Ambiente, Esther Fontán, asinou a acta de inicio do contrato do novo servizo de limpeza viaria da cidade. Trátase dun trámite imprescindible para que a nova empresa concesionaria, a UTE A Coruña Limpeza, (UTE FCC- Ingreser Atlántica), poida facerse cargo finalmente do servizo despois de que a anterior concesionaria CESPA asinase a acta de reversión da maquinaria. A nova concesionaria empezará a prestar os seus servizos de modo efectivo coa nova maquinaria o día 1 de outubro.
O novo contrato, que supera os 14 millóns de euros anuais e ten un prazo de duración de oito anos improrrogable, servirá para mellorar o servizo que prestaba a anterior empresa, que traballaba desde hai dous anos en precario e con prórrogas.
A concelleira explicou que o novo servizo inclúe a substitución de todas as papeleiras da cidade e a limpeza dos polígonos, cun plan adaptado ás características de cada un deles, e conta cos medios para actuar con rapidez na eliminación de pintadas", subliñou.
Coa posta en marcha do novo servizo, o concello ten previsto realizar un dispositivo especial para a limpeza de zonas de ocio nocturno, festas e eventos e eliminará de forma inmediata os vertedoiros incontrolados.
Fontán apuntou que "en poucos meses teremos nas rúas da Coruña todos os servizos que axudan a mellorar a limpeza e o bo aspecto da nosa cidade" .
12 resultados
El 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
El 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
El 25 de feb de 2024
A alcaldesa, Inés Rey, presidiu a entrega de medallas aos gañadores
El 19 de feb de 2024
A concelleira de Atención Cidadá e Seguridade, Montserrat Paz, recibiu ao vehículo que permite o seu uso asistencial ou medicalizado
El 8 de feb de 2024
Jonas Vingegaard, Egan Bernal, Ethan Hayter ou Carlos Rodríguez son algúns dos deportistas de elite presentes nesta competición
El 7 de feb de 2024
O evento, que converterá a cidade no epicentro nacional deste deporte, terá lugar no Coliseum con entrada gratuíta
ver más
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible