Concello da Coruña

Concello da Coruña

Cando:

5 de novembro de 2020

O orzamento de 2021 podería superar os 300 millóns de euros

O Goberno local convocará a todas as forzas antes de que remate o ano para negociar un novo PRESCO para o ano que vén Tramitarán un modificativo urxente para mellorar o PRESCO 2020 atendendo á boa disposición de BNG e PP O voceiro municipal, José Manuel Lage, agarda conseguir o mesmo consenso que para a aprobación do primeiro e lamentou que a Xunta aínda estea agora anunciando posibles axudas cinco meses despois: “Entre predicar e tomar decisións hai unha diferenza substancial”

O voceiro do Goberno municipal, José Manuel Lage Tuñas, realizou hoxe tres anuncios no pleno da Corporación que afectarán ás contas municipais de 2020 e de 2021.

NOVO PRESCO

Por unha banda, anunciou no Pleno que o Goberno local que dirixe Inés Rey convocará antes de que finalice o ano a todas as forzas políticas para negociar un novo PRESCO, coa vontade de lograr o mesmo nivel de consenso que no primeiro, aprobado por unanimidade

Lage explicou que a prioridade orzamentaria para 2021 será combater a pandemia e axudar economicamente aos sectores económicos máis afectados polas consecuencias da Covid-19. Afirmou que o goberno agarda que todos os grupos poñan por diante o interese xeral e que se consiga un acordo unánime. Agradeceulle ao grupo do PP a súa disposición manifestada durante a sesión plenaria pola súa voceira, Rosa Gallego, e tamén lle agradeceu ao voceiro do BNG, Francisco Jorquera, a súa disposición para os acordos.

MODIFICATIVO URXENTE PARA AMPLIAR O PRESCO 2020

Lage Tuñas tamén anunciou que durante este mes de novembro convocarán a todos os grupos para aprobar un modificativo de crédito urxente e reorientar as partidas económicas do orzamento vixente do ano 2020.

Dado que existen recursos económicos que estaban previsto destinárense a actuacións que non se poden levar a cabo polos efectos da Covid-19, poderanse dirixir eses fondos a outras necesidades.

Lage Tuñas sinalou que con este modificativo urxente se priorizará a ampliación das axudas económicas a persoas autónomas e a pemes, que é unha das liñas contempladas dentro do Plan de reactivación económica e social da Coruña (PRESCO).

Lage recoñeceu que "gustaríame que fósemos máis rápidos na tramitación das axudas e imos dedicar máis recursos para podermos ser máis áxiles".

O concelleiro de Economía tamén anunciou, en resposta ao voceiro do BNG, que "o Concello da Coruña poderá contar con máis de 300 millóns para o ano 2021, co orzamento prorrogado e coa incorporación de créditos vivos de anos anteriores".

Convidou ao BNG a "seguir sendo construtivos e a negociar as modificacións orzamentarias necesarias pensando sempre no interese xeral".

AXUDAS Á HOSTALARÍA

O concelleiro de Economía e Facenda recordou ademais que a Xunta aínda está agora anunciando axudas cando o Concello da Coruña as aprobou nun Pleno no mes de xuño.

Recordou que a Xunta fai un anuncio cinco meses despois da aprobación de axudas neste concello ao tempo que fixo autocrítica e explicou respecto da tramitación das axudas municipais que "nós non imos tan rápido como nos gustaría, pero entre predicar e tomar decisións hai unha diferenza substancial". O edil convidou a todos os grupos a traballaren "pensando sempre no interese xeral da sociedade".

Noticias de A. G. Relacións institucionais, Turismo e Seguridade Ciudadá

Relacións institucionais, Turismo e Seguridade Ciudadá

1 resultados

Busca na nosa hemeroteca de AG...

Datas

Escolla período ou rango de datas:

Dende:

Ata:

Opcións

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión