Concello da Coruña

Concello da Coruña

Cando:

14 de xaneiro de 2021

O Pleno concédelle a Medalla ao Mérito da cidade á Asociación de Personas Sordas de A Coruña

Inés Rey: “ASPESOR foi a orixe da Federación de Asociacións de Xordos de Galicia que se converteu nun referente dentro e fóra de Galicia e tamén do movemento asociativo das persoas xordas”. A concelleira de Benestar Social, Yoya Neira, anunciou que este ano se asinará un convenio para que o concello conte cunha persoa intérprete de signos e que aínda quedan reivindicacións pendentes, como a presenza destas/es profesionais nos hospitais e nas administracións e que se impartan clases de LSE nos colexios.

O Pleno aprobou esta mañá por unanimidade concederlle a Medalla ao Mérito da cidade na súa categoría de Ouro á Asociación de Personas Sordas de A Coruña. A alcaldesa, Inés Rey, agradeceulles a Susana Castelo, Manuel Andrade e Iker Sertucha, persoas representantes da entidade, a súa presenza no salón de plenos e destacou o labor desenvolto por ASPESOR na cidade nos últimos 50 anos. "ASPESOR foi a orixe da Federación de Asociacións de Persoas Xordas de Galicia (FAXPG), que se converteu nun referente dentro e fóra de Galicia e tamén do movemento asociativo das persoas xordas", sinalou Rey.

ASPESOR é unha entidade indispensable para garantir os dereitos das persoas xordas. "O labor social que desenvolve a entidade, en que destaca a promoción da lingua de signos faina acredora deste recoñecemento", explicou Rey, quen lembrou que, cando naceu a asociación, "a lingua de signos era coñecida como linguaxe mímica e 50 anos máis tarde é unha lingua declarada oficial, grazas á promoción que a asociación fixo dela". Tamén destacou o labor social da asociación, que soubo aglutinar todas as persoas xordas de Galicia e as súas familias.

Subliñou que esta distinción é o recoñecemento a un labor que fixo posible que se visualizase o colectivo de persoas xordas, a súa contribución ao derribo de barreiras que dificultan a integración deste colectivo, así como o seu liderado no conxunto de Galicia no desempeño desta función. E, como non, contribuíu á sensibilización de toda a cidadanía cara ás persoas xordas poñendo en marcha iniciativas pioneiras que foron logo adoptadas noutros concellos e institucións galegas.

Pola súa banda, a concelleira de Benestar Social, Yoya Neira, cualificou esta distinción como "o broche á celebración dos 50 anos da actividade dunha asociación que constitúe unha peza clave do tecido asociativo non só da cidade, senón de Galicia".

Neira anunciou que o Goberno local ten previsto asinar ao longo deste ano un convenio para que o Concello poida contar cunha persoa intérprete de lingua de signos e que aínda quedan reivindicacións pendentes, como a presenza destas/es profesionais nos centros hospitalarios e na Administración ou a posibilidade de impartir clases de lingua de signos nos colexios como materia. 

Grazas ao seu labor,  Galicia contou coas primeiras e os primeiros intérpretes de linguaxe de signos, unha tarefa que non estaba profesionalizada e que asumían as e os familiares das persoas xordas. Neste sentido, Neira expresou o seu orgullo de que A Coruña, en 2001, for dos primeiros concellos en asinar un convenio con ASPESOR para contratar unha destas persoas intérpretes.

Noticias de A. G. Deportes

Deportes

23 resultados

  • O Día do Deporte na rúa trasladarase aos barrios da cidade

    O Día do Deporte na rúa trasladarase aos barrios da cidade

    Cando:

    O 14 de abr de 2021

    O Concello crea o programa “Coruña Mar” con cursos de aprendizaxe de pádel surf, windsurf, remo, piragüismo, vela lixeira e vela adaptada, entre outras actividades relacionadas co mar. “Coruña en forma” converterá de novo á cidade no verán nun grande escenario ao aire libre para practicar distintas disciplinas deportivas .

  • coruña olímpica

    A visita de Sofía Toro ao CEIP Prácticas inaugura mañá o ciclo Coruña Olímpica

    Cando:

    O 7 de abr de 2021

    O programa consiste nunha serie de entrevistas a deportistas olímpicos/as coruñeses/as para darlle a coñecer a experiencia deportiva, pero sobre todo a persoal, ao alumnado de varios centros educativos da cidade

  • Arredores da Torre de Hércules

    Andainas guiadas | Ampliación do prazo de inscrición

    Cando:

    O 7 de abr de 2021

    Tras a reapertura do prazo para a inscrición nas andainas nas que quedaban prazas libres, publícase a listaxe coa inclusión das novas persoas admitidas e en lista de espera. Lembramos que ten prioridade o alumnado das Escolas Deportivas Municipais para participar nas andainas.

  • consello municipal deporte

    Rey: "Hoxe dámoslles voz ás diferentes dimensións do deporte coruñés coa creación do Consello Municipal do Deporte"

    Cando:

    O 6 de abr de 2021

    A alcaldesa declarou constituído formalmente o primeiro Consello Municipal do Deporte da historia cidade ao que asistiron 120 persoas representantes de 93 entidades deportivas, 12 institucións e 7 entidades sociais, “que desde hoxe intervirán na práctica deportiva da Coruña”

  • pazo dos deportes de riazor

    Inés Rey: “Mañá será un día importante para o deporte coruñés”

    Cando:

    O 5 de abr de 2021

    O Pazo dos Deportes de Riazor acollerá este martes a sesión constitutiva do Consello Municipal do Deporte da Cidade da Coruña, un órgano consultivo e de participación do mundo do deporte herculino que establecerá as súas bases de aquí en diante

  • Calendario

    Ampliación de prazo

    Cando:

    O 29 de mar de 2021

    Para presentar solicitudes para a inclusión de eventos no calendario oficial 2021, amplíase o prazo nun mes máis: ata o 30/04/2021.

ver máis

Busca na nosa hemeroteca de AG...

Datas

Escolla período ou rango de datas:

Dende:

Ata:

Opcións

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión