7 de abril de 2020
A Concellería de Benestar Social reparte 576 comidas diarias neste programa municipal que, por mor da crise do coronavirus, non se paralizará durante esta semana, como era habitual
A Concellería de Benestar Social, Igualdade e Participación, anuncia que o repartimento dos menús das bolsas comedor seguirase realizando na cidade durante toda a Semana Santa. De non estarmos nun estado de alarma a consecuencia do coronavirus, este programa paralizaríase durante as vacacións das nenas e nenos. Nesta situación, a concellería informa de que, desde onte, estánselles a repartir as comidas habituais ás familias da crianzas que teñen opción a este tipo de bolsa municipal.
A repartición sufrirá unha pequena modificación, xa que, pese a continuar nos colexios Raquel Caamacho, Víctor López Seoane, María Pita, Salgado Torres e Fogar de Santa Margarida, cancelarase o servizo na Grande Obra de Atocha até o vindeiro martes 14 de abril, día en que se volverá pór en marcha. Nese período de tempo, as persoas que recollían os menús no colexio Grande Obra de Atocha deberán facelo no centro educativo Víctor López Seoane.
A Concellería de Benestar Social tamén sinala que, actualmente, estanse repartindo 576 menús diarios a través do programa municipal das bolsas comedor.
14 resultados
O 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
O 16 de abr de 2024
As persoas interesadas en apuntarse a esta proba e ao conxunto do circuíto poderán facelo ata o 5 de maio
O 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
O 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
O 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
O 25 de feb de 2024
A alcaldesa, Inés Rey, presidiu a entrega de medallas aos gañadores
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible