20 de decembro de 2020
A alcaldesa, Inés Rey, presidiu hoxe o trofeo nunha edición atípica en que o decano dos torneos amigables regresou as súas orixes solidarias
O trofeo Teresa Herrera realizou hoxe a súa 75 edición a pesar da pandemia. Desta maneira, o torneo decano dos amigables venceu á Covid nunha xornada de fútbol atípica en Riazor. A alcaldesa, Inés Rey, acompañada da concelleira de Deportes, Mónica Martínez, e do edil de Relacións Institucionais, Juan Ignacio Borrego, presidiu hoxe o 75 Trofeo Teresa Herrera de Fútbol, que nesta edición diferente derivada da pandemia regresou a súas orixes solidarias, axudándolles ás entidades benéficas e homenaxeando o fútbol modesto.
Así, os fondos recadados hoxe destinaranse ao Proxecto Convivindo, da Fundación Amigó, un servizo gratuíto que pretende darlles unha resposta especializada a aquelas familias que se atopan en situacións de conflito e en risco de exclusión social.
A alcaldesa, Inés Rey, entregoulles ás e aos participantes unha Torre de Hércules de Sargadelos ao remate dos encontros, tanto no partido masculino coma no feminino. Ao mediodía disputouse a final masculina, que enfrontou ao Deportivo con un combinado de xogadores de fútbol modesto. Mentres, pola tarde a final feminina disputouse entre o Deportivo Abanca e o Victoria C.F. En ambos os dous partidos o de menos foi o resultado.
Desta maneira, o Concello acada os dous principais obxectivos, como son manter a celebración do torneo de fútbol a pesar da crise sanitaria, ainda que nunha data pouco común, e ao mesmo tempo, respectar a finalidade benéfica coa que naceu o trofeo que leva o nome da benefactora Teresa Herrera.
Deste xeito, o Concello xa anunciou hai uns días que destinará o aforro derivado do gasto do tradicional trofeo a gasto social, tan necesario nestas datas para reforzar o escudo social e loitar contra a crise sanitaria derivada da pandemia.
Deportes
11 resultados
O 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
O 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
O 25 de feb de 2024
A alcaldesa, Inés Rey, presidiu a entrega de medallas aos gañadores
O 8 de feb de 2024
Jonas Vingegaard, Egan Bernal, Ethan Hayter ou Carlos Rodríguez son algúns dos deportistas de elite presentes nesta competición
O 7 de feb de 2024
O evento, que converterá a cidade no epicentro nacional deste deporte, terá lugar no Coliseum con entrada gratuíta
O 7 de feb de 2024
Terá lugar na piscina municipal de Riazor a partir das 10.00 horas
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible