Se a persoa titular dunha Tarxeta Coruña Millennium non desexa seguir sendo titular dela (é dicir quere darse de baixa e non poder seguir utilizándoa) deberá presentar un escrito por rexistro, no que se solicite a devolución do importe que ten na Tarxeta Millennium, dirixirse ao centro de xestión da Tarxeta Coruña Millennium situado na Estación de autobuses, r/ Caballeros s/n ou ben descargar da web municipal o documento de solicitude de baixa e envialo xunto coa documentación requirida ao enderezo indicado anteriormente.

Para recuperar o saldo do moedeiro de servizos (o saldo do moedeiro de transporte non é reintegrable) é necesario que achegue a tarxeta para dar de baixa. Unha vez comprobada a titularidade da tarxeta entregaráselle un documento de devolución de saldo, por medio do cal poderá solicitarlle a Abanca a devolución do saldo.