A Tarxeta Coruña Millennium permítelle pagar nos autobuses urbanos da Compañía de Tranvías da Coruña sen necesidade de dispoñer de diñeiro en metálico e coa máxima axilidade e sinxeleza ao non ter nin sequera que inserir a tarxeta en ningún lector.
O pago á Compañía de tranvías realízase cos cartos que vostede teña cargados no moedeiro de transportes. Consulte a sección "Como cargo a tarxeta?" para máis información sobre como cargar a tarxeta.
Cando suba ao autobús, simplemente colla a tarxeta na man e aproxímea ao lector onde figura a imaxe da tarxeta ata tocar o lector esperando a que o lector o/a avise cun son de que a transacción se realizou.
Coa Tarxeta Coruña Millennium vostede gozará de importantes descontos no pago do autobús.
Unha vez que se realiza a operación visualízase na pantalla do lector o saldo restante e ilumínase a luz verde. Se se produce calquera problema (por exemplo por retirar a tarxeta antes de que se completase a operación ou se o seu saldo non fose suficiente) iluminarase a luz vermella do lector, lembre que pode realizar transbordos entre autobuses en prazos inferiores a 45 minutos.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible