Poderán participar no programa as persoas físicas que na data de finalización do prazo de presentación de proxectos teñan unha idade comprendida entre os 18 e os 35 anos ou aquelas entidades xurídicas sen ánimo de lucro cuxo proxecto o leven a cabo persoas que cumpran este requisito de idade.  

Contido das intervencións: realización de proxectos de intervención artística en espazos urbanos.
Os proxectos de intervención artística responderán á filosofía integradora e participativa do arte público e buscarán a recuperación do valor do espazo cotián a través do feito artístico. Ademais, deberán cumprir as seguintes condicións:
a) Pertencer ao ámbito das artes visuais (escultura, graffiti, instalación, pintura, videoarte, etc.), das artes escénicas (danza, teatro, música, etc.) ou do deseño (arquitectura, paisaxismo e urbanismo). Os proxectos poderán fusionar elementos pertencentes a diferentes disciplinas artísticas.
b) Ter carácter orixinal ou inédito, e non ter sido presentados anteriormente nin expostos ao público.
c) Ter carácter efémero, sen provocar ningún impacto permanente no espazo público. 

Os proxectos de intervención artística desenvolveranse en espazos públicos urbanos do termo municipal da Coruña.