Aileen declarou que matara en defensa propia, como reacción aos violentos ataques que sufría mentres exercía o seu oficio. Ao bordo da desesperación e do suicidio, coñece un día nun bar a Selby Wall (Christina Ricci), unha moza lesbiana, que foi enviada polos seus pais para vivir coa súa tía para "curar a súa homosexualidade". Wuornos, vítima dunha tráxica infancia chea de abusos, rapidamente se namora de Selby, e atopa nela unha razón para vivir. Incapaz de atopar un traballo digno, Wuornos segue exercendo a prostitución. Cando un dos seus clientes a maltrata, ela mátao en defensa propia, e comeza así unha tráxica cadea de asasinatos. Esta é a historia dunha asasina, pero tamén unha historia de amor entre dúas inadaptadas.

De Patty Jenkins

Con Charlize Theron e Christina Ricci

Estados Unidos, 2004 - 114 min (V.O.S. en castelán)

Formato: 35 mm

_{* ÓSCAR 2003: MELLOR ACTRIZ}

_{*GLOBO DE OURO 2003: MELLOR ACTRIZ DE DRAMA}

_{* NATIONAL BOARD OF REVIEW 2003: MELLOR ACTRIZ}

_{* FESTIVAL DE BERLÍN: OSO DE PRATA 2004 MELLOR ACTRIZ}

- EN DESPACHO DE BILLETES: media hora antes de cada función (só se quedan entradas dispoñibles)

- VENDA ANTICIPADA: en conserxería, de luns a venres de 9.00 h a 14.00 h e de 16.00 a 20.00 h; sábados de 10.00 a 13.00 h