Que pasa pola cabeza dun mozo que decide cumprir o seu soño a calquera prezo? Onde está o límite entre a realización persoal e a fidelidade e honestidade cara á túa familia?

Unímonos á incrible historia de Or, un mozo de 22 anos que, mentíndolles aos seus conservadores pais, decide seguir adiante a calquera prezo. Un retrato apaixonante sobre o medo, a dúbida, a importancia da familia e a forza de vontade de ser un mesmo.

A DIRECTORA

Shirley Berkovitz. Nativa de Tel Aviv, Shirly estudou cinema na Beit Berl Arts College en Israel, onde dirixiu e produciu a súa primeira curtametraxe Blocked. A súa primeira longametraxe documental 100% proxectouse no Festival de Cinema de DocAviv-Documental, Haifa Cinemateca. En 2009 lanzou The Way Up, gañador do premio ao Mellor Documental en numerosos festivais internacionais e foi nomeado para un Academy Award de Israel en 2010.

Actualmente, Shirly está a traballar como editora e directora de proxectos independentes, tamén traballa como titora e formadora en grupos xuvenís e seminarios sobre cinema e medios de comunicación.

FICHA TÉCNICA. Israel (2013)

• Director: Shirley Berkovitz
• Produtores executivos: Shirley Berkovitz e Noam Pinchas
• Fotografía: Shirley Berkovitz e Nitzan Moshe
• Edición: Daniel Sivan
• Son: Gil Toren
• Música: Kutiman

PREMIOS E FESTIVAIS:

• SERET FF - Reino Unido, 2014.
• DocsBarcelona - Inauguración. España, 2014.
• PlaneteDoc Filme festival - Polonia, 2014.
• Thessaloniki Documentary Festival - Grecia, 2014. IDFA - Países Baixos, 2013.

Formato: DVD

VENDA DE ENTRADAS

No despacho de billetes de Fórum desde media hora antes do inicio da proxección.

VENDA ANTICIPADA

Na conserxería de Fórum, de luns a venres de 9.00 a 14.00 h e de 16.00 a 20.00 h. Sábados de 10.00 a 13.00 h