As persoas afeccionadas aos superheroes terán o seu prato forte no Salón Internacional do Cómic coa Patrulla X, que chega da man dun dos guionistas de máis éxito desta saga, Chris Claremont. Viñetas desde o Atlántico volve a súa mirada aos heroes reais que protagonizan as historias de corte social máis recentes do mundo do cómic.

EXPOSICIÓNS

Quiosco Alfonso

• Jorge González

• Rubén Pellejero e Díaz Canales (Corto Maltés)

• Cristina Bueno

• Nadar

• Ramón Marcos

Palexco

• "Patrulla X" de Chris Claremont

• "La Casa" de Daniel Torres

• "Como baja el agua" de Juan Díaz Canales

Palacio Municipal de María Pita

• "Miguel EN Cervantes y el retablo de las maravillas " Miguelanxo Prado e David Rubín

Sala Salvador de Madariaga

• Premios Castelao de Banda Deseñada 2014 e 2015 Kiko da Silva e Fernando Llorente

Feira da Banda Deseñada. Ao tempo, as casetas coas últimas novidades editoriais tomarán o Paseo das Palmeiras transformándoo na Rúa da BD para lles ofrecer ás persoas afeccionadas non só os clásicos ou as publicacións recentemente impresas senón un amplo programa de talleres, entretemento e encontros comerciais cos autores. Na carpa do recinto, ademais, o artista Xosé Tomás encargarase de dirixir os seis talleres para nenos que, con carácter gratuíto, se ofrecerán o mércores, o venres e o sábado nese espazo. Os talleres distribuíronse por idades, de 4 a 11 anos en horario de 11 a 12.30 horas, e de 12.30 a 14 horas para a mocidade a partir de 12.