Interpretan, reinventan, recrean, achegan a poesía á vida ou a vida á poesía, buscando recuperar o pracer da palabra escrita, lida ou escoitada. Atrapan a poesía e lévana ao seu terreo: ao teatro.

Coma se fosen cociñeir@s de palabras, atrevéronse a elaborar un guiso cos máis diversos ingredientes. E así nos presentan a Irma e Julián, dous vellos que se atopan nun parque e cóntanse as súas “poéticas filosofías”; sorpréndennos rescatando versos dos 40 principais e descóbrennos como mirar con ollos de hoxe ao famoso Don Juan de Zorrilla; divírtense mesturando a Garcilaso, Benedetti ou Alfonsina Storni con Raúl Vacas, Blanca Varela ou Joaquín Sabina; fan falar a Santa Teresa dos seus problemas co “señor”...

Dez escenas nas que distintos personaxes se xuntan, íllanse, reflexionan, rin, maltratan, sofren, flirtean... Espectáculo teatral en que se fala de poesía e xógase con ela.

- Idea orixinal: Marieta Monedero
- Intérpretes: Carmen Castrillo e Luis Oliver
- Dirección: Marieta Monedero.