Intervirán: 

- J.Manuel Sande , Concelleiro de Cultura

- Lara Bacelo.- Fotógrafa, cineasta e comisaria da exposición "Carlos Casares e o cinema"

- Håkan Casares Berg.- Fillo do escritor e administrador da Fundación que leva o seu nome.

- Gustavo Adolfo Garrido.- Secretario de Fundación Carlos Casares e comisario, xunto con Vítor Vaqueiro, da expo "Carlos Casares e a fotografía". 

"Non son raros os escritores que véndose atraídos pola fotografía actuaron como fotógrafos amadores, deixando, nalgún caso, imaxes de calidade memorable. Eduardo Blanco Amor, por exemplo, sobre cuxa afección a editorial Galaxia ten publicado, hai anos xa, un libro-catálogo ao redor dunha exposición itinerante. Ou Gonzalo Torrente Ballester, de quen tamén se fixo unha mostra. Julio Cortázar é outro exemplo, que ademais escribiu sobre esta arte comparando unha boa fotografía e un conto. Carlos Casares foi tamén atraído pola fotografía, e polo cinema. Ao contrario que Torrente e Cortázar, en Casares non exíste relación entre as súas fotos e a súa literatura. A Casares,como a Blanco Amor, interésalle máis rexistrar os momento das viaxes, a xente; é sobre todo documentalista, como se pode ver nesta exposición. Se buscásemos a relación das súas fotos cos seus escritos non chegaremos alén d' Á marxe, dese xornalismo literario que tan ben cultivou." 

[Extracto dun texto inédito de Gustavo Adolfo Garrido sobre Carlos Casares fotógrafo].