A obesidade constitúe na actualidade o maior problema sanitario a nivel mundial ao afectar ao 13% da poboación adulta; estímase que a este ritmo podería alcanzar un 20% en 2025.

Así, a obesidade é unha enfermidade que debe ser tratada como tal xa que está asociada a enfermidades do corazón ou á diabetes tipo dous, e a outras menos coñecidas como o desenvolvemento de varios tipos de cancro. Cada vez é máis evidente que a graxa que se acumula no sobrepeso e a obesidade participa no desenvolvemento destas enfermidades asociadas xa que as células de graxa (os adipocitos) producen hormonas que regulan o apetito entre outras funcións. No Grupo Obesidómica do IDIS estudamos estas hormonas liberadas pola graxa, como varían en función de onde se acumula, e a súa alteración na obesidade. 

María Pardo Pérez. Líder do Grupo Obesidómica, Investigadora do Sistema Nacional de Salud Miguel Servet achéganos a todas as chaves que tratan este tema.