18 a 20 h. Talleres
Continuación dos talleres de relato e poesía.

20.00 h. Mesa redonda
A escrita galega, unha literatura invisible? CoruñaMayúscula 2013 reflexiona sobre a literatura galega actual e a transcendencia dos seus autores máis aló das nosas fronteiras. Participan: Luis G. Tosar (Bos Aires, 1952), Ramón Nicolás (Vigo, 1966) e Tucho Calvo (La Guaira, Venezuela, 1954).

21.00 h. Proxección
MADATAC é un evento internacional independente e gratuíto, único en España, que ten como obxectivo servir de plataforma para videoartistas e creadores audiovisuais que busquen renovar a linguaxe da narrativa cinética convencional. Dentro do CoruñaMayúscula 2013 proxectaremos unha selección das vídeocreacións que, a xuízo do seu director, Iury Lech, están máis relacionadas coa palabra.

22.00 h. Recital
Loopoesía 2013: Los lotófagos é un espectáculo multidisciplinar ideado por Jordi Corominas. Este ano o proxecto parte do seu poemario Los lotófagos, 601 versos encadeados que Corominas recita en directo acompañado de mesturas musicais, proxeccións audiovisuais, escenografías e actuación teatral da súa propia colleita. 47 minutos de vertixe, reflexión e diversión que apostan por lle quitar á poesía a súa solemnidade para achegala ao público.