Boa parte dos protagonistas do cinema dos Dardenne cometen un erro que intentan emendar para demostrar que o home non se define só polas súas accións, senón por entender as consecuencias que se derivan delas. A novidade é que o camiño cara á redención que emprende a doutora de 'La fille inconnue´ ten o aspecto dunha investigación policial: hai que atopar o asasino. Jenny Davin posúe un ríxido código moral, vive nunha soidade extrema e cre no traballo ben feito. É unha detective con bata branca. É na creación dese personaxe, que serve de ponte entre o realismo social que caracteriza a obra dos belgas e a declinación cara a un cinema de xénero procedimental, onde se atopa o punto forte da película.

Paradoxalmente, iso convértea na máis convencional de todas as súas e, ata certo punto, a menos intensa e emotiva.

- VENDA ANTICIPADA: en conserxería, de luns a venres de 9.00 h a 14.00 h e de 16.00 a 20.00 h; sábados de 10.00 a 13.00 h

-VENDA NO DESPACHO DE BILLETES DO FÓRUM METROPOLITANO: desde media hora antes de cada pase.