Palabra e imaxe: conversas con fotógrafos e cineastas pretende converterse nunha cita imprescindible coas persoas creadoras de imaxes máis interesantes do momento a nivel nacional e internacional. Comisariado por Javier Trigales, este formato esencial e desposuído do accesorio, permitiranos escoitar a cineastas e fotógrafos que nos falarán do seu traballo, das ferramentas que utilizan e como as empregan para transmitir as súas ideas ás persoas espectadoras. Nesta edición, contaremos coa presenza de Antoine d'Agata (Marsella, 1961).

Antoine d'Agata estuda no Centro Internacional de Fotografía de Nova York con lendas como Nan Goldin e Larry Clark. Tras finalizar os seus estudos e viaxar polo mundo, publica os seus primeiros libros de fotografía: De mala muerte e Mala Noche. En 2001 gana o Premio Niépce para novos fotógrafos por Hometown, un persoal diario de viaxe a través de Francia. En 2004 únese á axencia Magnum e un ano despois roda Le Vendre du Monde, a súa primeira película, á que seguirá Aka Ana. Viaxeiro incansable, os seus periplos convértense en fotolibros como Insomnia, Vortex, Stigma, Psychogéographie ou Ice e Anticorps (Premio de Libro de Autor Rencontres d'Arles en 2013).

+ Información