Todo foi culpa da Fariña.

Touriñán e Blanco, dous cómicos recoñecidos, deciden retarse e currar xuntos nos escenarios.

Unha cousa sinxela, unhas risas, comer ben e sacar pasta. Todo causas nobles.

Pero hete aquí que deciden pedir un texto por currar menos e, craso error, pídenllo a un individuo de aspecto sospeitoso e residente en Ferrol. Un tal Xosé Prieto.

A sabendas de que aqueles dous irresponsables meterían man ao texto, Prieto fai un traballo aseado, correcto e entrega un orixinal que os "artistas" aproban:

Dúas cadeiras, unhas boas bromas e listo.

A forrarse.

Pero hete aquí que van pillados de tempo e deciden botar man como director dun compañeiro de aventuras coa fariña, un de Ourense, Tito Asorey.

E Tito tolea e mete efectos, e pide escenografía e aparece Carlos Alonso e repaña todo o que atopa nos alpendres da súa casa e por riba Touri embala e ficha a Juanjo Rig, un xastre coruñés de moito nivel para o vestiario.

Asorey insiste e quere atrezzo, e disfraces, e Dani Juncal decide iluminar todo eso con focos móbiles e robótica e todo se vai complicando ata chegar ao que ides ver.

Paco Abelleira, Breixo Giraldo, Lois Blanco e Javi López botan unha man no que poden nos ensaios e finalmente a cousa chega a destino.

SOMOS CRIMINAIS está listo.

Como definilo ...

Teatro? Pode ser.

Show cómico? Vai ti saber.

Un experimento? Sen dúbida.

Decidan e xulguen vostedes.

Idioma: galego

http://www.teatrocolon.es/es/

VENTA DE ENTRADAS

Taquilla de la plaza de Ourense: de lunes a viernes (excepto festivos) de 9.30 a 13.00 h y de 16.30 a 19.30 h

Taquilla del Teatro Colón: abierto solo los días de función desde una hora antes (solo si quedan entradas disponibles)

Televenta: 902 044 226 (lunes a viernes de 9.00 a 22.00 h; sábados de 14.00 a 22.00 y domingos de 16.00 a 21.00 h) o web