Realizarase unha análise do proceso completo de produción, diferenciando as diferentes maneiras de enfocar o deseño de calquera produción en función das necesidades específicas do proxecto que se queira levar adiante. Posteriormente, terase unha especial consideración cos elementos básicos comúns e imprescindibles e a súa definición (equipo técnico, artístico, provedores, etc.) así como unha revisión xeral das principais fontes financeiras no campo audiovisual.

Por último, realizarase un repaso xeral das fases de rodaxe e postprodución para concluír cunha rápida revisión da etapa de lanzamento e promoción do noso traballo.

Puy Oria é produtora executiva de Oria Films e presidenta de AMA (Asociación Madrileña Audiovisual). Entre as películas que produciu están De tu ventana a la mía, No tengas miedo, Obaba, Silencio roto, Escenario móvil ou La guerrilla de la memoria. Así mesmo figura como directora de produción en títulos como Un paraíso bajo las estrellas, Así es la vida, La ciénaga, Palabra y utopía ou Otilia rauda.