O Concello de Coruña abre convocatoria para solicitar praza nas escolas infantís, cun total de 52 prazas vacantes. A adxudicación das mesmas está sometida aos criterios de baremación sinalados nas Bases Reguladoras do proceso de admisión nas escolas infantís integradas na Rede de Escolas Infantís Municipais (REIM) para o curso 2023-2024, publicadas no BOP nº 55 do 21 de marzo de 2023 e na resolución publicada no BOP nº 121 de 27 de xuño de 2023.

O prazo de solicitude será desde o 4 de xaneiro ata o 12 de xaneiro, ambas as datas incluídas.

As listaxes definitivas publicaranse o 25 de xaneiro.

As solicitudes que resulten adxudicatarias de praza poderán formalizar a matrícula os días 29 e 30 de xaneiro.

LUGAR DE PRESENTACIÓN DA DOCUMENTACIÓN

A documentación e a ficha de solicitude asinada polos dous proxenitores débese presentar, preferiblemente, no rexistro electrónico do Concello (https://sede.coruna.gob.es), nos rexistros municipais ou por calquera outro medio permitido pola Lei de Procedemento Administrativo.