Participan neste programa de dinamización e difusión da información IES, CIFP, a Escola Oficial de Idiomas, a Escola de Arte e Superior de Deseño Pablo Picasso e o Conservatorio Profesional de Música, entre outros.

Estes pequenos puntos de información, coñecidos como Antenas de Información Xuvenil, conectan os Espazos de Información Xuvenil do concello coa mocidade ao achegarse aos centros educativos a través dun programa de difusión "da información entre iguais".

Cada Antena de Información comprende un espazo físico no centro desde o que se difundirá información de interese xuvenil proporcionada semanalmente polos Espazos Municipais de Información Xuvenil do concello da Coruña, Canles dixitais de interese xuvenil e, o máis importante: unha persoa ou un grupo de persoas: as/os antenas

FUNCIÓNS DAS ANTENAS

As funcións das Antenas de Información Xuvenil serán as que seguen:

• Estar en comunicación permanente cos Espazos de Información Xuvenil
• Manter o espazo informativo e as canles dixitais de información actualizadas semanalmente, de forma ordenada e atractiva.
• Difundir información de interese xuvenil a través dos medios ao seu alcance: redes sociais, compañeiras/os de centro educativo etc...
• Animar as/os compañeiras/os participar da información e achegar inquietudes, intereses, ideas ou suxestións.

COMO PODO PARTICIPAR?

A documentación para presentar polas persoas que queiran participar no proceso de selección de Antenas de Información Xuvenil para o curso 2023/2024 é a que segue:

• Formulario de solicitude.
• Unha copia do DNI, NIE ou documento acreditativo da identidade.
• Autorización asinada para menores de idade acompañada da copia do DNI da persoa responsable legal que asina a autorización.
• Pequena proposta descritiva de como desenvolver as funcións de Antena adaptadas ao centro educativo.

COMO É A PROPOSTA PARA PRESENTAR COA SOLICITUDE?

Para valorar as solicitudes e ver como podería ser o primeiro enfoque de cada posible Antena, habería que incluír coa solicitude unha pequena proposta descritiva que inclúa os seguintes puntos:

• Presentación dos posibles participantes (nome/s, curso, gustos, intereses, participación noutros proxectos do centro...).
• Expectativas e intereses respecto ao programa Antenas de Información Xuvenil.
• Ideas e propostas de como dinamizar a información no teu centro.
• A adecuación ao centro, a orixinalidade e viabilidade do proxecto.

Ademais, unha vez realizada a selección, serán os Espazos de Información Xuvenil os que compartan coas Antenas seleccionadas unha pequena proposta de dinamización da información na que se abordará:

• A xestión dos espazos de información xuvenil dos centro educativos.
• A difusión da información xuvenil: ferramentas para a dinamización da información nos centros.
• A información virtual: proposta de difusión a través das canles dixitais.