O noso proxecto de prevención e formación busca xerar un espazo de reflexiona sobre os valores de convivencia cidadá na mobilidade que son parte do contido e marcan liñas de acción de responsabilidade, corresponsabilidade, solidariedade, prudencia e respecto.

Ámbito e temporalidade

Desenvólvese dentro do horario escolar. A data e duración axustaranse á dispoñibilidade do centro e de STOP Accidentes dentro do curso escolar 2022-2023

Condicións para participar no programa

A actividade coordínase, por orde de inscrición e directamente co centro educativo.

• A participación é gratuíta.
• Desenvólvese co alumnado do centro educativo.
• O contido e a metodoloxía adáptase ás idades do alumnado.
• Sendo opcional escoller a actividade práctica.

Actividades

Actividade teórica: Taller de mobilidade sustentable e segura. Duración 50´

Realízanse talleres de sensibilización na aula co apoio de contido multimedia e con dinámicas que facilitan a aprendizaxe significativa a través da participación activa. Cunha duración de 50´

Actividades prácticas opcional: duración mínima dunha clase de 50 e máximo dúas clases no caso do simulacro

Ofrecemos, para complementar a parte teórica, diferentes actividades complementarias para captar a atención dos participantes e reforzar a adquisición de contidos.

• Taller de comunicación asertiva: aprender a dicir NON: saber dicir "NON" non é unha capacidade innata. É unha destreza que require adestramento, é por iso polo que se fala das "técnicas para dicir NON", que forman parte das aprendizaxes en habilidades sociais. Con estes talleres aprenderán a dicir NON, dunha maneira eficaz e asertiva que potenciará a súa capacidade de control.
• Talleres de habilidades en bicicleta e VMP: talleres prácticos onde se traballará técnica, táctica, estratexia, biomecánica, ergonomía e normativa sobre as bicicletas e os VMP. Ademais, servirá para potenciar ao máximo as calidades e coñecementos para moverse en bicicleta ou VMP dentro da cidade como espazo de convivencia.
• Simulacro de sinistro viario: realizamos, en colaboración cos servizos de emerxencias (Bombeiros, Policía Local, servizos sanitarios), un simulacro de sinistro de tráfico. Ao finalizar o simulacro, ábrese un debate con todos os participantes e o testemuño dunha vítima. Permite reflexionar en grupo e para que extraian as súas propias conclusións fronte a esta realidade.