O programa "Cinema na escola" persegue converter a cada alumno/a en verdadeiro/a protagonista da aprendizaxe, xa que cada participante é capaz de desenvolver os seus talentos, traballar en equipo, desenvolver a súa creatividade, aprender, e expresar emocións e contar historias.

Os centros que soliciten participar recibirán un módulo de formación orientado ao profesorado que coordine a actividade, acceso a material exclusivo "videotitoriais" e acceso directo ao equipo técnico para resolver dúbidas ao longo de toda a fase creativa.

O módulo de formación constará de dúas sesións de 90 minutos en liña, onde se abordarán aspectos como: a idea, a sinopse, o guión literario, técnicas de gravación, o casting, ensaios, rodaxe, edición e montaxe...

Unha vez terminada a fase de formación, os equipos poderán comezar o traballo de guionización, gravación, edición e montaxe final das curtametraxes.

Os premios que se van conceder en cada categoría, 1.º e 2.º premios, son os seguintes:

• mellor curtametraxe
• mellor guión
• mellor fotografía
• mellores efectos visuais
• mellor edición e montaxe
• mellor son
• mellor interpretación

Tamén 3 mencións: valores, comedia e esforzo, para favorecer que todos os centros poidan sentirse protagonistas nas galas finais.

E, ademais, un premio do público para a curtametraxe máis valorada en redes sociais; que se poderá visualizar na nosa canle de Youtube.

Na edición 2023/24 haberá dúas galas finais, os días 2 (categoría e E. primaria) e 7 de maio (categoría ESO) no Ágora, de presentación dos traballos realizados e a entrega de premios.