- Inicio
- Programas Educativos
- Detalle programa
Convocatoria de programa bolsas Acoreuropa XI
Programa inscrito no programa Erasmus+ da Unión Europea, polo que se organizan e posibilitan prácticas de formación, de tres meses de duración en empresas de diversos países europeos para recentemente titulados de FP Superior nos centros adscritos ao programa.
Localización do centro:
Só da Coruña
Servizo municipal:
Educación
Tipo de actividade:
Outras
Titularidade do centro:
Público
A quen vai dirixido?:
O programa está dirixido a titulados en ciclos superiores de FP que alcanzaron a súa titulación en decembro de 2022 ou en xuño de 2023, incluída la FCT (Formación en centros de traballo). E que realizasen os seus estudos nalgún dos 10 centros docentes públicos que participan como socios no programa: CIFP Ánxel Casal, CIFP Escola de Imaxe e Son, CIFP Paseo das Pontes, CIFP Someso, IES A Sardiñeira, IES Eusebio da Guarda, IES Fernando Wirtz, IES Ramón Menéndez Pidal, IES Urbano Lugrís e IES Rosalía Mera.
No caso das persoas tituladas en xuño de 2023, a súa participación quedará supeditada á xustificación de ter rematado o ciclo e superada a FCT.
Prezo / Custo:
Dotación da bolsa
As bolsas inclúen todos os gastos: as viaxes de ida e volta, o aloxamento, un seguro de atención sanitaria e responsabilidade civil e ademais as persoas participantes recibirán unha cantidade económica para o seu mantemento e estadía de 1.500,00 €. Ademais, o Concello, en colaboración coa empresa de xestión Oneco e as organizacións intermediarias nos países de destino, encárganse tamén da xestión do programa: a organización das viaxes, a procura de aloxamentos e das empresas de prácticas, así como da tramitación da documentación ante o SEPIE para o recoñecemento oficial das prácticas. O proxecto desenvolverao a Concellaría de Educación, Cultura e Memoria Histórica, a través do Servizo Municipal de Educación, en convenio co Servizo Español para a Internacionalización da Educación (SEPIE) e os centros docentes asociados. Coa colaboración dunha empresa de xestión e as organizacións intermediarias nos países de destino e financiaamento da Deputación provincial da Coruña.
Obxecto:
O obxecto deste programa é promover a aprendizaxe e a formación de mozos profesionais en Europa, así como o coñecemento do idioma e a cultura doutros países, mediante a concesión de bolsas para a realización de prácticas formativas en empresas de diversos países de Europa.
Cos obxectivos de:
- Apoiar a adquisición de competencias e mellorar o desenvolvemento persoal e as oportunidades de emprego.
- Mellorar a competencia en linguas estranxeiras.
- Aumentar a conciencia e comprensión doutras culturas e países.
- Asegurar un mellor recoñecemento das competencias adquiridas en períodos de aprendizaxe no estranxeiro.
Servizos incluídos no programa
O programa inclúe os seguintes servizos para cada participante:
-
Viaxes e desprazamentos de ida e volta desde A Coruña ata a poboación de destino.
- Aloxamento no país correspondente durante o período da estadía.
- Contrato de formación non laboral por unha empresa do país correspondente durante un período de 90 días.
- Axuda económica para financiar a manutención durante a estadía
- Titorización da estadía e das prácticas formativas por persoal especializado, tanto da empresa coma da organización intermediaria no país de destino.
- Realización, como mínimo, de dúas xornadas de preparación específica para as persoas participantes no programa.
- O acceso a un curso "en liña" dos idiomas dos países de destino.
- Seguro de asistencia sanitaria e de responsabilidade civil.
- Tramitación da documentación ante o Servizo Español para a Internacionalización da Educación (SEPIE).
Destinos
O programa na súa primeira convocatoria oferta 11 bolsas, cos seguintes destinos:
· 2 bolsas en inglés en Malta (Gzira)
· 3 bolsas en inglés ou en alemán en Austria (Viena)
· 2 bolsas en inglés en República Checa (Praga)
· 2 bolsas en italiano en Italia (Padua)
· 2 bolsas en portugués en Portugal (Lisboa)
Con todo, o órgano competente poderá variar a súa distribución en función da competencia lingüística das persoans seleccionadas e da existencia de empresas adecuadas ao seu perfil profesional e académico nos destinos solicitados.
Condicións do programa
Dentro do prazo de presentación de solicitudes, ademas de formalizar a ficha de inscrición na web www.coruna.gal/educacion , as persoas interesadas deberán achegar unha serie de documentos nos rexistros municipais (presencialmente -con cita previa- , por rexistro electrónico https://sede.coruna.gob.es/opensiac/action/tramites?method=enter#l322), ou en calquera das dependencias á que se refire a Lei 39/2015, de 2 de outubro, de Procedemento Administrativo Común das Administracións Públicas.
A selección realizarase tendo os seguintes criterios (por confirmar):
- Cualificación media final no ciclo formativo. Ata 10 puntos
- Cualificación do idioma estranxeiro. Ata 10 puntos, de acordo co nivel de lingua estranxeira adquirido no Marco Común Europeo das Linguas.
- Valoración do informe da titoría do centro onde o participante realizase os seus estudos. Ata 5 puntos.
Entidades colaboradoras
Nove centros educativos públicos de FP da Coruña, con titulacións de grao superior adscritos ao proxecto, que xunto coa Deputación (que achega financiamento) e o Concello da Coruña conforman o Consorcio.
O Servizo Español para a Internacionalización da Educación (SEPIE), do Ministerio Ministerio de Ciencias, Innovación e Universidades, que ten como misión xestionar a participación española no Programa Erasmus +.
Cando:
O período de realización das prácticas formativas será de setembro a decembro de 2023 (por confirmar).
Duración das prácticas: 3 meses (90 días).
Inscricións:
A ficha de inscrición estará dispoñible o luns 17 de abril e hai que presentala xunto á documentación esixida, en calquera dos rexistros municipais, situados en Pazo municipal de María Pita, Fórum Metropolitano, Ágora Mesoiro ou por rexistro electrónico https://sede.coruna.gob.es/opensiac/action/tramites?method=enter#l322), ou en calquera das dependencias ás que se refire a Lei 39/2015, de 2 de outubro, de Procedemento Administrativo Común das Administracións Públicas.
• Xustificante da solicitude debidamente cumprimentada e asinada.
• Fotocopia do DNI/NIE ou pasaporte
• Declaración responsable de estar ao corrente do cumprimento das súas obrigas tributarias co Concello da Coruña (modelo dispoñible na web municipal).
• Fotografía recente tamaño carné (con nome no reverso).
• Se é o caso, fotocopia do documento de demandante de emprego
• Se é o caso, calquera título oficial de idiomas.
Inscrición alumnado
Contacto:
Servizo municipal de Educación
Tel. 981 184 200, ext. 12114 e 22041
Fax: 981 184 370
Requisitos:
Segundo as bases do programa
Organiza:
O proxecto desenvolverao a Concellaría de Educación, Cultura e Memoria Histórica, a través do Servizo Municipal de Educación, en convenio co Servizo Español para a Internacionalización da Educación (SEPIE) e os centros docentes asociados. Coa colaboración dunha empresa de xestión e as organizacións intermediarias nos países de destino e financiamento da Deputación provincial da Coruña.
Síguenos en
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible